Erró

Kjarval

Ásmundur Sveinsson

Sirra Sigrún fangar sólarganginn yfir heilt ár á ljósnæman pappír með pin-hole myndavélum  sem staðsettar voru í Heiðmörk. Ljósopin voru opin frá 21. desember 2021 til 22. desember 2022. Ljósið lýsti beint á ljósnæman pappír inni í þremur áldósum og sneru þær til ólíkra átta. Birkiöskjurnar varðveita pappírinn og innrammaðar ætingar eru unnar eftir ljósmyndunum.  

Silkiþrykkt prentverk sem notast við myndmál bankaauglýsinga, með vísun til þeirra bankasamruna sem áttu sér stað á síðari hluta 20stu aldar. Verkið var sýnt á sýningunni Vísitala í Ásmundarsal við Freyjugötu sumarið 2023. Sýningin fjallaði um fagurfræði og fjármál og byggði á persónulegri hrifningu listamannsins á tölfræðilegum breytum settum fram á sjónrænan máta sem einföld tölfræðirit.Geirþrúður Finnbogadóttir Hjörvar er myndlistarmaður sem skapar verk sem mætti telja til  lýrískrar (eða kannski súrrealískrar) konsept listar, með áherslu á formfræðilega eiginleika sem byggja á efnahagslegum forsendum. Hún bjó í Amsterdam í um áratug eftir að hafa lokið námi frá Rijksakademie van Beeldende Kunsten (NL). Hún býr og starfar í Reykjavík.

U M M Y N D A N I R var sýnt á um 500 stafrænum flötum Billboard um allt höfuðborgarsvæðið dagana 1.–3. janúar 2024.  Verkefnið nefnist Auglýsingahlé og er unnið í samstarfi Billboard, Y gallery og Listasafns Reykjavíkur. Verkið hverfist um ummyndanir fyrirbæra sem líða síkvikar um loftið í tímaleysi áramótanna.  Útlínur, afsteypur og endurvarp kunnuglegra hluta úr neysluheimum blandast og skarast við óræð tilbrigði tíðarandans. Hver syrpa framkallar róf möguleika í millibilsástandi þegar heimurinn er tímabundið opinn í báða enda.  U M M Y N D A N I R er stefnumót sem örva skynjun vegfarenda, bjóða í ferðalag, kveikja hughrif og tengingar á leið hvers og eins út úr fortíðinni og inn í ókunna framtíð.  Það er skuggsjá sem birtir samslátt og núning mynda í fjölbreyttu svæðanuddi við sjóntaugarnar. Það er ofið úr brotakenndum skilaboðum, hnitum, hugljómunum og óvæntum tilboðum úr undirmeðvitundinni.

Safneign