D-vítamín

Með þessari sýningu brýtur safnið upp þá hefð að bjóða upprennandi listamönnum að sýna í D-sal safnsins, og setur þess í stað  upp fjölmennari samsýningu í fleiri sýningarsölum Hafnarhúss.

Þetta er gert í tilefni þess að nú hafa 50 listamenn verið kynntir í D-sal frá árinu 2007.

D-vítamín er aukaskammtur skapandi orku sem teygir sig út fyrir ramma D-salar og tryggir upptöku nýjustu strauma listsköpunar í skammdeginu. Samsýningin verður unnin af sérfræðingum safnsins upp úr innsendum tillögum.