Áttu ekki örugglega árskort?

Erró

Kjarval

Ásmundur Sveinsson

Kaþólsk fótspor

Dropi í auga

Meyjarbað í æskubrunni

The Underdog

Mécadictionnaire (Vélorðabók)

100 Poèmes Mécanique (100 Vélljóð)

Skissa fyrir málverkið Désintégration des Masques

Skissa fyrir málverkið Mountain Settlers

Mecanismo mecanifeste

Skissa fyrir málverkið Le Moteur de folie

„Serían Meca-Make-Up var sú fyrsta sem máluð var upp úr klippimyndum af undirbúningsstigi. Þessar myndir skutu föstum skotum. Það var mikið ofbeldi í öllu á þessum tíma. Á þessum árum geisuðu stríð í Alsír og Víetnam. Meira að segja rokktónlistin var ofbeldisfull. Og gjörningar sem við gerðum í París – í American Center og Boulogne kvikmyndaverinu, svo og í London í Denisson Hall, voru obeldisfullir. Viðbrögð okkar við ofbeldinu í samfélaginu voru ofbeldisfull, jafnvel grimm.“ – Erró.

Í Raymond Cordier Gallery í París tók Erró þátt í gjörningi Jean-Jacques Lebels Pour conjurer l’espirit de catastrophe (Til þess að særa burt anda stórslysanna) ásamt Daniel Pommereulle, François Dufrêne, Johanna Lawrenson, Philippe Hiquily, Tetsumi og Hiroko Kudo, David Allen, Jacques Gabriel, Walter McLean og Désirée Schrönhoven. Gjörningurinn átti sér stað þegar Kúbudeilan stóð sem hæst, blikur voru á lofti í kalda stríðinu og almenningur hræddur við að út brytist kjarnorkustyrjöld. Uppákoman var mótmæli sem uppreisnargjarnir og órólegir ungir listamenn stóðu fyrir. Gjörningurinn var endurtekinn og kvikmyndaður 1963 í Boulogne kvikmyndaverinu að beiðni ítalska kvikmyndagerðarmannsins Gualterio Jacopetti. Gjörningurinn kom síðan fram í styttri og villandi útgáfu í kvikmynd eftir Jacopetti og Paolo Cavara, Malamondo (1964), sem fjallaði um undarlega hegðun og hefðir Evrópubúa.

Plakat fyrir sýninguna „Pour conjurer l’esprit de catastrophe“ („Að særa burt anda stórslysanna“)

Án titils

Á árunum 1962 til 1963 starfaði Erró sem listrænn stjórnandi og leikmyndahönnuður við tilraunakvikmynd Érics Duvivier, Vélkonsert fyrir klikkunina, eða Hin klikkaða vélmyndbreyting. Myndin fjallar um örlög mannkynsins í vélvæddum heimi og gaf Erró færi á að kafa dýpra í þau þemu sem hann hafði unnið ötullega með í list sinni frá árinu 1959 – einkum afmennskun samfélagsins og sívaxandi yfirráð tækni yfir mannlegu lífi. Meðal fjölmargra samsetninga sem Erró skapaði fyrir kvikmyndina skera þessar gínur með vélrænum íhlutum sig úr vegna ógnvekjandi og hótandi yfirbragðs. Þær benda til svartsýnnar framtíðarsýnar þar sem mannkynið er dæmt til að hverfa og vélar taka við af því.
Erró nýtti úrgangsefni og iðnaðarrusl í leikmuni og leikmyndir myndarinnar og umbreytti rusli samfélagsins í sláandi safn skúlptúra, lágmynda og gríma. Í þessu verkefni naut hann sérfræðiþekkingar vinanna og myndhöggvaranna Philippes Hiquily, Césars og Jeans Tinguely, sem leiddu hann um flóamarkaði og ruslahauga í leit að efniviði og veittu tæknilega ráðgjöf um vinnu með málma.

Safneign

Erró

Verk