Áttu ekki örugglega árskort?

Erró

Kjarval

Ásmundur Sveinsson

Pop's History

L'Astronaute

Sveitin

Goya

(The Flea, Darwin and Erasme)

21 ans d'Israël / 21 ára Israels

L´oxygénation d´Érasme (hluti)

Karate

Án titils

Asískt Golf

Í myndasyrpunni Skrímslin skeytti Erró saman frægum einstaklingum og alls kyns skrímslum sem þekkt eru úr bandarískum hryllingsmyndum. Hvert málverk sýnir tvö tvískipt andlit sem fela í sér bæði jákvæðar og neikvæðar hliðar. Slík samsetning leiðir ekki einungis til afhelgunar á listaverkinu sem slíku, þar sem hún afhjúpar vinnsluferlið og handavinnuna að baki myndinni, heldur á fyrirmyndinni líka. Viðkomandi einstaklingur og ófreskjan eru tengd saman. Meinar Erró að mannveran sé í senn engill og djöfull, eða á hann öllu heldur við að opinberar myndir segi ekki alltaf sannleikann og að ekki megi treysta þeim fullkomlega? En segjum sem svo að Sókrates sé skrímsli. Til þess að renna stoðum undir þessa tilgátu er hægt að kynna sér sögubækur og goðsögnina um Sókrates. Hann gæti verið skrímsli í fleiri en einum skilningi, hann var svo ófríður að honum var líkt við satýr, hann var í augum sumra álitinn siðferðilega spilltur en í augum annarra var hann snillingur. En það fer ekki á milli mála að Sókrates er stjörnuheimspekingur eða það sem kallað er á frönsku „heilagt skrímsli“ (monstre sacré). Skrímsli er í raun það sem raskar eðlilegri reglu hlutanna á jákvæðan eða neikvæðan hátt.

Sókrates

Mondrian Grosz

Coleminer and two dogs

Græn móðir

Dante

Verk Errós byggja á undirbúningsklippimyndum þar sem hann tengir saman og stillir upp „myndum heimsins“, frá ólíkum tímum, stöðum og menningarlegum lögum. Við yfirfærslu klippimyndanna í málverk öðlast smávægilegar, fjöldaframleiddar prentmyndir aukið vægi og áhrifamátt og taka á sig nýja merkingu. Dæmi um slíkt eru verkin úr Skrímslin-myndaröðinni frá árunum 1967–68.
Í þessum portrettskopmyndum blandar Erró opinberum myndum þekktra einstaklinga úr stjórnmálum, listum, bókmenntum, tónlist, kvikmyndum og vísindum saman við andlit úr bandarískum hryllingsmyndablöðum. Hann sameinar hluta af andlitum fræga fólksins við afmynduð og grett andlit og skapar þannig eitt brenglað portrett. Hvert málverk samanstendur af tveimur höfðum, þar sem annað speglar hitt.
Þessi framsetning afhjúpar ekki aðeins sköpunarferlið og rýfur þannig dulúð verksins, heldur breytir hún einnig skynjun okkar á viðfangsefnunum. Fræga manneskjan og skrímslið eru samtengd – afmynduð svipbrigðin leiða í ljós faldar hliðar viðkomandi og breyta því hvernig við lítum á þau.
Með þessum skopmyndum ögrar Erró mörkum milli sannleika og blekkingar og hvetur okkur til að efast um opinberar ímyndir og frásagnir fjölmiðla, og mynda okkur eigin skoðanir. Danielle Kvaran

Safneign

Erró

Verk