Sumarsýning - Úr safneign
Sumarsýning - Úr safneign
Kjarvalsstaðir
-
Verkin á sýningunni eru frá ýmsum tímum og gefa innsýn í íslenska listasögu frá því um aldamótin 1900. Við val á verkunum var fagurfræði höfð að leiðarljósi og hefðbundin listasöguleg viðmið látin víkja fyrir samhljómi verkanna í sölum safnsins.
Hvert verk fyrir sig verður hluti af fagurfræðilegri heild sem áhorfandinn upplifir á eigin forsendum, hafnar eða finnur þann samhljóm sem leitað er að. Við skoðun sýningarinnar fæst innsýn í mörg helstu viðfangsefni íslenskra myndlistarmanna en sérstök áhersla er á að sýna málverk úr eigu safnsins.
Margir af helstu málurum þjóðarinnar eiga verk á sýningunni auk þess sem nokkur verk eru eftir listamenn sem vinna í aðra miðla.
Elsta verkið er eftir Þórarinn B. Þorláksson og er frá aldamótunum 1900 en þau yngstu eru unnin við upphaf 21. aldarinnar. Sýningin ber þess glöggt vitni að nálgun íslenskra listamanna við viðfangsefni sín er fjölbreytileg og býður uppá áhugaverða skoðun. Sú leið sem hér er farin og leggur áherslu á fagurfæðilega nálgun gestsins býður uppá margslunginn lestur sem hver og einn áhorfandi nýtur á eigin forsendum..
Myndir af sýningu
Ítarefni
Umfjöllun fjölmiðla PDF
Sýningarskrá
Umfjöllun fjölmiðla
Listamenn
Boðskort
Sýningarskrá JPG
