Uppfærsla á vefum borgarinnar í dag milli 17.00–18.00. Búast má við truflunum.

Afsakið óþægindin

Erró

Kjarval

Ásmundur

Verk Ingólfs eru gerð úr steinsteyptum einingum sem hann málar með grunni og vatnslit. Þau eru nátengd arkítektúr, eins og framlenging af veggjum sýningarsalarins. Liturinn sem hann málar á er nánast ósýnilegur og dregur þannig fram smáatriði eins og skuggann sem verkin varpa og annað í umhverfinu. Auk þess að vinna verk úr steinsteypu hefur Ingólfur unnið teikningar á pappír og sett fram sem hluta af innsetningum. Jafnframt hefur hann teiknað og málað beint á veggi eða á loft í sýningarsölum. Ingólfur miðar sýningar sínar við hvert rými fyrir sig og hafa sparleg en nákvæmlega úthugsuð verk hans löngum verið kennd við mínimalisma.

Meginviðfangsefni Önnu Þóru hefur verið náttúran og fyrst og fremst hefur íslenska ullin veitt henni innblástur. Þetta veggteppi er unnið úr ull með aðferð sem listakonan kallar flókagerð.

Verkið er staðsett við sundlaugarnar í Laugardal. Staðsetningin var valin  vegna tengingar við uppsprettur og jarðhitasvæði Laugardals. Til þess að sjá verkið þarf að vera inni á sundlaugasvæðinu, það er rétt við barnalaugina. Verkið byggist á tveimur óhlutbundnum formum sem speglast og er unnið í sedrusvið. Trjátegundin var sérstaklega valin þar sem viðurinn er talinn endingargóður og geta staðið af sér íslenska veðráttu. 

Birgir málaði ýmsar myndir með svokallaðri punktaaðferð. Tæknin tengdist áráttu listamannsins fyrir grófum rasta sem kemur fram þegar ljósmynd er stækkuð svo mikið að maður hættir að greina af hverju hún er. Hún verður að samansafni af stórum punktum sem ómögulegt er að sjá heildarmynd af nema úr mikilli fjarlægð. Birgir vann gjarnan með hugmyndir um nálægð og fjarlægð, bæði í efnislegum skilningi en ekki síður sögulegum. Verkin hér byggjast á gömlum frímerkjum sem endurspegla sögu íslenskrar þjóðarímyndar. Þau sýna þjóðfánann umkringdan geislum og víkinga í fullum skrúða. Birgir sýndi hvort tveggja uppstækkuð frímerkin í svörtum rasta og síðan máluð verk sem byggðu á þeim en voru unnin með lituðum punktum. 

Safneign