Áttu ekki örugglega árskort?

Erró

Kjarval

Ásmundur Sveinsson

Ichiko Kamichika

no 6

Letter no 16

no 4

no 12

no 11

Án titils

Les Clefs du Paradis

Mercury Redstone 3 (Alan B. Shephard Jr.)

New-Jersey

Untitled (Prepare for struggle, prepare for famine, for the people)

Back Up Crew of First Apollo Flight

Ralph Vaughan Williams (1872-1958)

L'Univers d'Erró

Tondo

Renar/ Rennes / Hreindýr

Johannes Brahms 1833-1897

Á áttunda áratugnum málaði Erró margar syrpur um geimferðir og notaði þá einkum myndir sem hann fékk hjá NASA, Geimferðastofnun Bandaríkjanna. Oft stillti hann upp hetjulegum ljósmyndum af bandarískum geimförum sem gerðar voru í þjóðernislegu áróðursskyni og hins vegar munúðarfullum myndum af nöktum konum úr listasögunni. Að sigra geiminn tengist þannig á skoplegan hátt ástarsigrum og dregur úr hetjulegri vídd geimferðanna. Í Tyrkneska baðinu eru geimfarar í heimsókn í kvennabúri í málverki eftir Ingres. Annars vegar birtist stífleiki og karlmennskudáð, hins vegar losti og kvenleg íhygli. Í baksýn eru geimfarar sem standa stoltir á himni eins og hálfguðir, þeir gnæfa yfir þrýstnum ambáttum kvennabúrsins, ódalískunum, sem eru í faðmlögum í forgrunni og þekja tvo þriðju myndflatarins. Frá brosandi andliti geimfarans efst í vinstra horni liggur lína niður að nakinni konu sem lyftir upp handleggjunum neðst til hægri. Þannig myndast tengsl milli myndheimanna tveggja í málverkinu og brosið tengist frekar nærveru hinna fögru ambátta en afrekum geimferðanna.

Le Bain turc (Tyrkneska baðhúsið)

Í seríu sinni Kínversk málverk leiðir Erró hina löngu göngu Maós og hersveita hans á árunum 1934–1935 út fyrir landamæri Kína og út um allan heim. Í þessu tiltekna verki er glaðvær hópur ungra kínverskra menntamanna samankominn inni í herbergi á Munch-safninu í Osló. Erró nær þessari áhrifamiklu blöndu með því að stefna saman tveimur ólíkum myndum: Spring Breeze in Yangliu og Livets dans.
Fyrri myndin, áróðursplakat frá 1975, upphefur flutning ungmenna úr borgunum í sveitirnar á tímum menningarbyltingarinnar í Kína, með áherslu á samstöðu og byltingaranda. Sú síðari, expressjónískt meistaraverk Munchs, lýsir hins vegar hverfulleika lífsins og ástarinnar með táknrænum persónum sem standa fyrir æsku, ástríðu og vonbrigði. Þetta myndmál skapar sláandi andstæður, annars vegar er hugsjónaákafi og hins vegar tilvistarspurningar. Angurvær tónn Munchs gefur einnig í skyn dapurlegri framtíð fyrir ungt kommúnistafólk, með vísun í erfiðleika framundan.
Sé myndin skoðuð í dag endurspeglar hún breytta sýn á söguna. Útrás Kína sem stórveldis og aukið ferðafrelsi borgara þess hafa breytt viðhorfum – það sem áður þótti ótrúlegt, að sjá kínverska menntamenn á evrópskum listasöfnum, er nú orðið daglegt brauð í heimi menningarsamskipta. Danielle Kvaran

Visite au musée Munch à Oslo (Heimsókn á Munch-safnið í Osló)

„Maó fór ekki nema einu sinni út fyrir landamæri Kína, þá var hann mjög ungur og ferðinni var heitið á þing Kommúnistaflokksins í Moskvu. Ég hef gert honum kleift að fara út um allan heim í sýndarveruleikanum,“ útskýrir Erró. Í syrpunni Kínversk málverk ímyndar listamaðurinn sér einmitt Maó formann og félaga hans á mikilli sigurför um helstu borgir og táknræna staði Vesturlanda: Maó í Feneyjum, í París, London, Berlín, Washington, Maó í New Jersey... Þessi útgáfa Errós af Göngunni miklu est kaldhæðnisleg vísun í hreyfingu maóista sem flæddi yfir heim vestrænna lista- og menntamanna eftir atburðina í maí 1968. En með því að tengja saman áróðursmyndir Kínverja og túristamyndir kapítalískra Vesturlanda afhjúpar listamaðurinn hvað þessar myndir eru blekkjandi. Hinar brosmildu, sléttu og felldu amerísku og evrópsku staðalmyndir eru alveg eins og samsvarandi myndir frá kommúnistaríkjunum. Með því að stilla þessum myndum saman kemur listamaðurinn því til skila hvernig myndir eru notaðar til að ráðskast með almenning.

New Jersey

Erró var meðal fyrstu vestrænu listamanna sem notuðu ímynd Maós Tse-tung, leiðtoga kínverskra kommúnista, í list sinni. Á árunum 1972 til 1980 skapaði hann seríuna Kínversk málverk – yfir 130 verk þar sem Maó er sýndur sem einvaldur heimsins, þrátt fyrir að hann hafi aðeins farið í tvær utanlandsferðir, báðar til Moskvu á ráðstefnur Kommúnistaflokksins. Þessi sería vakti alþjóðlega athygli á Erró.
Verkin byggja á kínverskum áróðursmyndum ásamt vestrænum ferðamannapóstkortum og auglýsingabæklingum. Þau vísa í Maó-æðið sem greip vestræna listamenn, menntamenn og stjórnmálamenn í kjölfar maímótmælanna í París 1968. Í myndaröðinni birtist ádeila á bæði hinar útópísku vonir framtíðarinnar og óttann við útbreiðslu kínversku menningarbyltingarinnar. Til að umbreyta klippimyndunum í málverk vann Erró með tælenskum kvikmyndaplakatsmálurum, sem þekktir voru fyrir „ofurraunverulega“ tækni sína í anda sósíalísks raunsæis.
Í Andblærinn er dregið frá tjald með mynd Maós, sem opinberar styttu af formanninum sitjandi í marmarastól – vísun í Lincoln-minnisvarðann. Upphaflega var styttan í grafhýsi Maós í Peking, en Erró flytur hana til New York og stillir henni upp fyrir framan fjármálahverfi borgarinnar og World Trade Center-turnana. Þessir háu turnar tákna tæknilega og efnahagslega yfirburði kapítalismans, en með þessari ögrandi staðsetningu gefur Erró í skyn kaldhæðna sigra austursins yfir hinum vestræna heimi. Danielle Kvaran

Le Coup de vent / Andblærinn

Safneign-eldra