Áttu ekki örugglega árskort?

Erró

Kjarval

Ásmundur Sveinsson

Erró hefur löngum sameinað háð og alvöru til að vara við kjarnorkuógninni sem vofir yfir mannkyninu. Á tímum kalda stríðsins dró hann fram fáránleika og hættur kjarnorkuvopnakapphlaupsins. Atómskt daður heldur áfram á þeirri braut og gagnrýnir ábyrgðarlausa valdaspilamennsku stórvelda með kjarnorkuvopn. Titillinn gefur til kynna að þjóðir „daðri“ við tortímingu – með hótunum, vopnasöfnum og sýndarmennsku, án þess að horfast í augu við raunverulega hættu.Efst í verkinu má sjá sovéska skopmynd, líklega frá síðari hluta áttunda áratugarins eða snemma á þeim níunda, sem gagnrýnir harkalega bandaríska heimsvaldastefnu og hervæddan kapítalisma, og sýnir hvernig stríð tengist beint pólitísku og efnahagslegu valdi. Fyrir neðan bætir Erró við tveimur andstæðum senum úr bandarískum teiknimyndasögum. Önnur sýnir grímuklæddan hóp í skuggunum, með leikrænu ívafi, meðan sú fremri sýnir andlit með ýktum svipbrigðum ótta og örvæntingar. Þessar andstæður skerpa á kaldhæðni verksins og varpa ljósi á það skeytingarleysi og þá angist sem einkenna alþjóðleg átök.

Safneign

Guðmundur Guðmundsson, öðru nafni Erró (f. 1932), er tvímælalaust þekktasti samtímalistamaður Íslendinga. Hann hefur verið þátttakandi í framsæknu listalífi Parísarborgar allt frá árinu 1958, bæði innan súrrealistahreyfingarinnar og einnig sem einn af forvígismönnum popplistarinnar eða evrópska frásagnarmálverksins. Erró byggir verk sín á tilvísunum í myndir annarra sem hann klippir saman og flytur yfir á léreftið. Hann segir frá með myndmáli ofurraunsæis og teiknimynda og frásögn hans er ýmist einföld og kyrrstæð eða flókin og yfirgengileg. Hann klippir og sundurgreinir, límir og endurbyggir flóknar sögur þar sem viðfangsefnin eru ýmist pólitík, erótík, listasagan, ævisögur, skáldsagnapersónur, teiknimyndahetjur og vísindaskáldskapur eða eigin listaverk. 1951 Guðmundur útskrifast úr kennaradeild Myndlista- og handíðaskólans um vorið með hæstu einkunn1952 Fer til náms í Listakademíuna í Osló.1953 Mósaíksýning frá Ravenna sem haldin er í Osló vekur aðdáun Guðmundar.Hann ferðast til Spánar og ákveður að taka upp listamannsnafnið Ferró.1954 Innritast í Listakademíuna í Flórens.1955 Fær inngöngu í mósaíkskóla í Ravenna (Scuola del Mosaico). Tekur þátt í samsýningu ungra erlendra listamanna í Galleria Santa Trinita í Flórens. Í kjölfarið skipuleggur galleríið fyrstu einkasýningu Ferrós. Kynnist hinni ísraelsku Myriam Bat-Yosef. 

Safneign

Verk