Karin Sander: á staðnum

Mörg verka hennar eru innblásin af náttúru landsins, menningu og samfélagi.

Listasafn Reykjavíkur setur upp yfirgripsmikla sýningu með glænýjum og eldri verkum í samstarfi við Listahátíð í Reykjavík. Verk Karinar byggja gjarnan á þátttöku gesta og hugmyndum um samspili efnis, tíma og staðar. Á sýningunni á staðnum er fjallað um staðarvitund í landfræðilegum, líkamlegum og huglægum skilningi. Sýningargestum er boðið að láta skanna sig og prenta af af sér smástyttu; auðir strigar á víðavangi safna áferð við mismunandi aðstæður; og neonskilti staðsetur áhorfendur í Hafnarhúsi samkvæmt mælingum GoogleEarth.

Karin Sander (1957) er þekkt fyrir hugmyndafræðilega nálgun sína á efni og rými þar sem hún vinnur með hversdagslega hluti, arkitektúr og stafræna miðla. Verk hennar hafa verið sýnd á virtum alþjóðlegum vettvangi, þar á meðal Arkitektúrtvíæringnum í Feneyjum 2023, Kunstmuseum Winterthur og SFMoma. Árið 2018 vann Karin samkeppni um útilistaverk í Vogabyggð í Reykjavík.