Inn í kviku

Ásmundarsafn

-

Persónulegar aðstæður og reynsluheimur listamanna sem og tilfinningarlíf þeirra mótar óumflýjanlega listsköpunina, en einnig það samfélag og tíðarandi sem þeir eru hluti af. Ásmundur Sveinsson er hér engin undantekning. Hann leitaði víða fanga fyrir verk sín; bókmenntir, saga og náttúra voru þar mikilvægir burðarásar, einnig eru móðirin og hinn vinnandi maður mikilvæg leiðarstef í verkum hans.

Þegar skyggnst er undir yfirborðið í höggmyndum Ásmundar leynist þar oft heit glóð, persónuleg tjáning á djúpum tilfinningum og sterkum kenndum ásamt óslökkvandi forvitni gagnvart gangverki lífsins og himintunglanna.

Viðfangsefni þessarar sýningar er kvikan sem afhjúpast þegar verkin eru skoðuð og greind í samhengi við líf listamannsins og þá tíma sem hann lifði. Sýningin Inn í kviku er þríþætt og dregur fram ólíkar hliðar á Ásmundi hvað varðar inntak, form og tímaskeið. Höggmyndagarðurinn í kringum húsið, geymir mörg af þekktustu verkum listamannsins. Leitast er við að nota húsið í Sigtúni sem umgjörð um sýninguna og rökréttan hluta af henni.

Dagskrá: Sunnudag 3. mars kl.

14 Ásmundarsafn - Ásmundur – meistarahendur Þorgrímur Gestsson ræðir um Ásmund Sveinsson og áhrif hans á íslenska menningu og umhverfi. Sunnudag 7. apríl kl. 14 Ásmundasafn - Ásmundur – meistarahendur Pétur Ármannsson, arkitekt ræðir um byggingar Ásmundar Sveinssonar..