Uppfærsla á vefum borgarinnar í dag milli 17.00–18.00. Búast má við truflunum.

Afsakið óþægindin

Appið -Útilistaverk í Reykjavík

Erró

Kjarval

Ásmundur

Björg var þekktur listmálari og grafíklistamaður. Hún stundaði mynd­list­ar­nám m.a. við Myndlista- og handíðaskóla Íslands, Aka­demie der bild­end­en Kün­ste í Stutt­g­art, École Nationale Supérieure des Beaux Arts og við hið þekkta graf­ík­verk­stæði Atelier 17 í Par­ís. Hún hélt yfir 30 einka­sýn­ing­ar og tók þátt í fjölmörg­um sam­sýn­ing­um á Íslandi og víða um heim. Verk eftir hana eru í eigu opinberra safna og einkasafna hérlendis og erlendis.

Gabríela var fulltrúi Íslands á Feneyjatvíæringnum árið 2005 og var verk þetta hluti af viðamikilli innsetningu ásamt skúlptúrum, teikningum og málverkum. Hér eru vídeóin fjögur sýnd, eitt fyrir hverja höfuðátt, hvert á fætur öðru. Þar gerir listamaðurinn tilraun til þess að finna hugsunum og hugarburði farveg innan heildstæðs sagnaheims þar sem stuðst er við gamalgróna frásagnartækni, goðsögur og sammannleg minni. Vídeóin vann Gabríela í samvinnu við Björk Guðmundsdóttur, Daníel Ágúst Haraldsson, Ernu Ómarsdóttur og Sigurð Guðjónsson. Hún fékk einnig til liðs við sig þau Björk, Daníel Ágúst, Borgar Þór Magnason og Jónas Sen að semja tónverk út frá píanóstefi sem hún spann.

Eins og í mörgum fleiri verkum sínum vinnur Erling hér út frá spurningum um hlutverk listamannsins og um eðli og gildi verka hans. Vídeóverkið var á sínum tíma tekið upp í flutningabíl á fleygiferð og frumsýnt á sýningu í Ásmundarsafni. Þar má sjá listamanninn með húðlita grímu, afsteypu af andliti sínu, sem þó sviptir hann persónueinkennum og svipbrigðum og blindar honum sýn að auki. Hann reynir eftir fremsta megni að fóta sig í flutningsrýminu fyrir framan myndavélina en missir í sífellu jafnvægið og kastast jafnvel til eftir því sem bíllinn hreyfist, rýkur af stað, snarhemlar, beygir og hossast.

Erling hefur allt frá námsárum unnið á húmorískan og gagnrýninn hátt með umhverfi og ímynd listamannsins. Hann hefur fetað sig gegnum listasöguna frá hinum virta landslagsmálara til alþjóðavæddrar listamannsímyndar samtímans. Verk hans endurspegla glímu listamannsins við þau markmið og gildi sem listheimurinn setur hverju sinni.

Safneign