Erró

Kjarval

Ásmundur Sveinsson

Málverkið er byggt á myndskreytingum Martins Aitchison við ævisögu Rubens í bókinni Great Artists (Miklir listamenn, 1971), sem Dorothy Aitchison skrifaði fyrir börn og Erró fann í Bangkok. Þetta ævisögumálverk er hægt að lesa eins og teiknimyndasögu. Ævi Rubens er sögð í átta sjálfstæðum sviðssetningum en hver þeirra segir frá einum atburði í lífi hans og senurnar eru settar fram í réttri tímaröð. Verkið byrjar þannig á senu sem sýnir Rubens ungan og geispandi í búningi skjaldsveins en endar á hátíðarhöldum í Antwerpen í tilefni af opinberri heimsókn bróður Spánarkonungs. En sagan segir að Rubens hafi fengið það hlutverk að sjá um skreytingarnar og að hann hafi teiknað sigurboga og vagna sem notaðir voru við hátíðarhöldin. 

Safneign

Guðmundur Guðmundsson, öðru nafni Erró (f. 1932), er tvímælalaust þekktasti samtímalistamaður Íslendinga. Hann hefur verið þátttakandi í framsæknu listalífi Parísarborgar allt frá árinu 1958, bæði innan súrrealistahreyfingarinnar og einnig sem einn af forvígismönnum popplistarinnar eða evrópska frásagnarmálverksins. Erró byggir verk sín á tilvísunum í myndir annarra sem hann klippir saman og flytur yfir á léreftið. Hann segir frá með myndmáli ofurraunsæis og teiknimynda og frásögn hans er ýmist einföld og kyrrstæð eða flókin og yfirgengileg. Hann klippir og sundurgreinir, límir og endurbyggir flóknar sögur þar sem viðfangsefnin eru ýmist pólitík, erótík, listasagan, ævisögur, skáldsagnapersónur, teiknimyndahetjur og vísindaskáldskapur eða eigin listaverk. 1951 Guðmundur útskrifast úr kennaradeild Myndlista- og handíðaskólans um vorið með hæstu einkunn1952 Fer til náms í Listakademíuna í Osló.1953 Mósaíksýning frá Ravenna sem haldin er í Osló vekur aðdáun Guðmundar.Hann ferðast til Spánar og ákveður að taka upp listamannsnafnið Ferró.1954 Innritast í Listakademíuna í Flórens.1955 Fær inngöngu í mósaíkskóla í Ravenna (Scuola del Mosaico). Tekur þátt í samsýningu ungra erlendra listamanna í Galleria Santa Trinita í Flórens. Í kjölfarið skipuleggur galleríið fyrstu einkasýningu Ferrós. Kynnist hinni ísraelsku Myriam Bat-Yosef. 