Tendrun Frið­arsúl­unnar í Viðey

Við hvetjum gesti til að taka þátt í hátíðlegri kvöldstund í Viðey þar sem Friðarsúlan verður tendruð í tuttugasta sinn. Boðið verður upp á leiðsagnir, listasmiðju, tónlistarflutning og hátíðardagskrá við Friðarsúluna.

Dagskrá

Leiðsagnir og listasmiðja Upphafsstaður allra leiðsagna er við Viðeyjarstofu og listasmiðjan er í Nausti. 17:30 Listasmiðja á vegum Listasafns Reykjavíkur fram að tendruninni. 17:45 Leiðsögn á vegum Listasafns Reykjavíkur um verk Richard Serra og Yoko Ono.

18:00 Söguganga á vegum Borgarsögusafns Reykjavíkur

18:45 Leiðsögn á vegum Listasafns Reykjavíkur um verk Richard Serra og Yoko Ono.

19:00 Söguganga á vegum Borgarsögusafns Reykjavíkur.

Dagskrá við Friðarsúluna

19:45 Árný Margrét flytur tónlist við Friðarsúluna

19:58 Hildur Björnsdóttir borgarstjóri flytur ávarp

20:00 Friðarsúlan tendruð við lagið Imagine eftir John Lennon og Yoko Ono

Samgöngur Siglingar frá Skarfabakka - Viðey Kl. 17.30 – 19.30 Frítt er í ferjuna, en skráning í báta nauðsynleg hjá Eldingu 20:30–22:00

Strætó Ráðhús að Skarfabakka (30 mín fresti) Kl. 17.30 – 19.00 Strætó frá Skarfabakka að Ráðhúsinu (á 30 mínútna fresti) 20:30–21:30

Viðeyjarstofa verður opin frá kl. 17:30–21:00, eða þar til síðasti gestur hefur yfirgefið eyjuna. Þar verður hægt að kaupa léttar veitingar.

Um Friðarsúluna

Friðarsúlan í Viðey er hugarfóstur listarmannsins og friðarsinnans Yoko Ono og er hugsuð sem leiðarljós fyrir heimsfrið.

Verkið er í formi „óskabrunns“ en á hann eru orðin „Hugsa sér frið“ grafin á 24 tungumálum. Upp úr brunninum stígur ljóssúla sem er saman sett úr fimmtán geislum sem sameinast í einu sterku ljósi. Sex ljósgeislanna fara lárétt um göng á palli í kringum brunninn og er endurkastað upp með speglum. Pallurinn er þakinn þrenns konar íslensku grjóti – líparíti, grágrýti og blágrýti.