Samtal lista­manns og sýning­ar­stjóra | D53

Kristín Helga Ríkharðsdóttir er 53. listamaður sýningarraðarinn D–salur þar sem listamönnum sem hafa mótandi áhrif á íslenska myndlistarsenu er boðið að halda sína fyrstu einkasýningu í opinberu safni.

Kristín vinnu þvert á miðla, þar sem hún færir hugmyndir úr upplifunum, sögum og hversdagslegum fyrirbærum í ólíkar formgerðir. Í gegnum málverk, sviðsetta ljósmyndun, skúlptúra, vídeó og hljóð tekst hún á við ofurraunveruleika hversdagsleikans og skoðar spennuna milli hins náttúrulega, manngerða og sviðsetta. Með því að blanda saman því náttúrulega og manngerðu og víkka mörkin milli raunverulegs og sviðsetts, reynir hún að endurspegla þann heim sem við lifum í, þar sem mörkin milli hins sanna og hins tilbúna verða sífellt óskýrari.

Aðgöngumiði á safnið gildir. Frítt fyrir Árskorts- og Menningarkorthafa, frítt fyrir yngri en 18 ára.