Leið­sögn sýning­ar­stjóra | Lekir líkamar, sameig­in­legir heimar

Á sýningunni eru eingöngu verk úr safneign Bunkier Sztuki, sem geymir eitt öflugasta safn pólskrar samtímalistar í Evrópu. Sýnd verða ljósmyndaverk, málverk, skúlptúrar og innsetningar eftir þrjátíu listamenn frá Póllandi.

Sýningin dregur fram fjölbreytileika og kraft pólskrar samtímalistar og setur hana í alþjóðlegt samhengi. Verkin hafa ferðast frá Kraká til Reykjavíkur, þar sem þau eru sýnd í samfélagi sem að hluta hefur mótast af pólskri nærveru.

Með sýningunni gefst einstakt tækifæri til að kynnast fremstu samtímalistamönnum Póllands og styrkja um leið menningarleg tengsl Íslands og Póllands.

Leiðsögnin fer fram á íslensku.

Aðgöngumiði á safnið gildir. Frítt fyrir Árskorts- og Menningarkorthafa og yngri en 18 ára.