Val fólksins

Á sýningunni má sjá verk rússnesku listamannanna Komar og Melamid. Komar og Melamid eru fyrir löngu orðnir heimskunnir listamenn. Fyrst sem framsæknir andófsmenn í Sovétríkjanna, og nú seinna sem virtir listamenn í Vesturheimi.

Í gegn um tíðina hafa þeir félagar lagt sig fram við að storka hefðinni og setja spurningarmerki við pólitísk, félagsleg, menningarleg og listræn kerfi.  Sýningin hér á Kjarvalsstöðum, en uppistaðan í henni eru tvö málverk, Eftirsóttasta og Síst eftirsóttasta málverk íslensku þjóðarinnar, ber yfirskriftina Val fólksins.