Nordia 03 - Norræn frímerkjasýning

NORDIA 03 er fjórða norræna frímerkjasýningin sem haldin er á Íslandi. Tvær þær fyrstu voru haldnar í Laugardalshöll á árunum 1984 og 1991. Sú þriðja var á Kjarvalsstöðum 1996. Sú fjórða verður nú haldin á sama stað. Félagar úr Félagi Skandinavíusafnara í Bandaríkjum Ameríku taka þátt í sýningunni ásamt íslenskum og norrænum söfnurum. Íslenskum frímerkjasöfnurum hefur með áhuga sínum tekist að gera fyrri sýningar þannig úr garði að til sóma hefir verið bæði fyrir þá sjálfa og land og þjóð.