Litið lengra – Horft í gegn

Gegnum miðstöðina La Virreina Exposicions vinnur borgarráð Barcelona nú að því að bjóða upp á breitt yfirlit yfir verk ungra listamanna og það nýjasta í myndlistarlífi borgarinnar í sýningarsölum La Capella.

Starfsemi okkar byggir á þeirri trú að skírskotanir til annars veruleika og skilningur á öðrum menningarheimum sé nauðsynlegur til þess að öðlast fullan skilning á listalífinu heima fyrir. Til þess að fylgja þessu eftir var komið á samstarfi við listamenn frá Reykjavík og verk fimm ungra íslenskra listamanna sett upp í La Capella.

Nú er röðin komin að listamönnum frá Barcelona að sýna sín verk í Reykjavík og loka þar með hringnum. Ignasi Aballí, Martí Anson, Daniel Chust Peters, Carles Congost, Mabel Palací, Antonio Ortega og Tere Recarens fá nú tækifæri til þess að sjá hvaða augum Íslendingar líta verk þeirra.

Eldmóður og áhugi alls þess fólks og stofnana, einkum þó listamannanna og sýningarstjóranna, sem að þessu ævintýri hafa staðið hafa gert þessa reynslu að einu beittasta verkfæri Barcelonaborgar til þess að auðga tengsl sín við menningarsamfélög annars staðar í heiminum. Ferran Mascarell, formaður Menningar- menntunar- og velferðarnefndar borgarráðs Barselóna..