Veldu ár

2019 (19)
2018 (19)
2017 (21)
2016 (18)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
11.05.2001
10.06.2001

HUM

Innsetning bandaríska listamannsins Patrick Marold í porti safnsins. Listamaðurinn mun breyta porti Hafnarhússins í hangandi maga úr ull, sem hann gefur yfirskritina HUM. Þetta útilistaverk tekur við öllum sveiflum veðurs og umhverfis, og mun ásýnd þess breytast eftir því sem áhrif ljóss, þyngdarafls og hreyfingar loftsins gefa tilefni til. Líkt og ský eða jafnvel sjálf norðurljósin ber þetta verk í sér tilkomumikla nánd, sem dregur fram rýmiskennd umhverfisins í þessu sérstaka umhverfi portsins.

HUM innsetningin er líkt og lifandi verk og ber að nálgast hana sem slíka. Samstilling hinna fjölmörgu ullarstrengja við orku vindsins gerir verkinu mögulegt að ná fram viðkvæmri og jafnri hreyfings, sem takmarkast þó af eiginleikum efnisins. Einstakir þræðir munu tengjast og flækjast til að finna stuðning hver í öðrum, allt þar til þeir eru orðnir að einni flækju, sem vindurinn tekur minna í. Afleiðingin af þessum flutningi orku í gegnum efnið verður sú að léttleiki spuna lopans víkur fyrir kyrrstöðu og lífleysi, allt þar til verkið er fjarlægt og víkur þannig að nýju fyrir frelsi hins opna rýmis.

Með því að játast undir náttúruöflin viðurkennir verkið einnig eðlilegan eyðingarmátt náttúrunnar. Þessa vitund um hin óumflýjanlegu endalok verksins ber að skilja sem hluta af heildinni, sem er jafn mikilvæg og vitundin um að hvert augnablik sem þú horfir á verkið er jafn einstakt og hver lopa þráður er einstakur.

Patrick Marold er ungur bandarískur listamaður, sem hlotið hefur Fulbright-styrk til að dvelja og starfa að list sinni hér á landi í vetur. Hann stundaði m.a. listnám í Rhode Island School of Design, og hefur undanfarin ár einkum starfað við Colorado Institute of Art. Eftir dvöl sína hér á landi mun hann snúa aftur til Colorado í Bandaríkjunum.

Listamaður/-menn: 
Sýningarskrá: 
Sýningarskrá: 
Umfjöllun fjölmiðla pdf: 
PDF icon 7714592.pdf (163.74 KB)

Smelltu á myndirnar til að skoða fleiri myndir á Instagram og póstaðu þínum eigin með því að merkja þær með #myllumerki sýningarinnar.
Mundu að fylgja Listasafni Reykjavíkur á @reykjavikartmuseum.