Hans Christian Andersen - Lífheimur

Á sýningunni Lífheimur á ævintýraskáldið Hans Christian Andersen samtal við þrjá af helstu listamönnum samtímans - Joseph Kosuth og hjónin og samstarfsmennina Ilya og Emilia Kabakov. Bæði Kosuth og Kabakovhjónin eru frumkvöðlar innan samtímalistarinnar og eru verk þeirra lifandi viðmið fyrir unga listamenn.

Bæði Kabakovhjónin og Kosuth vinna með ýmislegt sem var H.C. Andersen hugleikið, svo sem minningar, sjálfsmynd, tungumál og tilveru. Sem konseptlistamenn fást þau við að gera huglæg málefni sýnileg, en þar sem Kosuth vinnur á mörkum orða og ímynda með skýrri hugmyndafræðilegri orðræðu vekja Kabakovhjónin minningar og hugarflug til lífsins með áhrifaríkum innsetningum. Verk Ilya og Emiliu Kabakov "Morgunn, kvöld, nótt..."er gríðarstór innsetning í þremur hlutum sem byggð er inn í austursal Kjarvalsstaða.

Sýningin er sett upp í samvinnu við Nikolaj, nýlistasafnið í Kaupmannahöfn þar sem hún var sýnd árið 2005. Í tengslum við sýninguna í Nikolaj voru gefnar út sýningarskrár með viðtölum og greinum um listamennina auk mynda af Andersenverkefni þeirra.