Guðrún Hrönn Ragn­ars­dóttir

Á meðan margir listamenn koma sér fyrir innan hefðarinnar, spyrna aðrir við fótum og spyrja sig í sífellu spurninga um eðli og stöðu listarinnar. Guðrún Hrönn Ragnarsdóttir er ein af þeim listamönnum sem fikrar einstigi persónulegrar sköpunar og dregur frumlegar ályktanir af þekktum liststefnum - minimalisma og "ready made". Á þessari sýningu kynnumst við nýjum verkum listakonunnar þar sem stíllinn er orðinn enn knappari en áður, þó svo aldrei sé langt í glingurskreyti eða kitsch, sem ávallt hafa einkennt verk hennar.