Erró: Konur

Kjarvalsstaðir

-

Sýningin er af verkum Errós og er um konur. Listasaga Vesturlanda, sem fram á okkar daga er sköpuð af körlum, er full af konum: Rubens, Ingres, Manet, Matisse og Picasso, til að mynda, skópu konur, annars konar konur, gáfu okkur nýja sýna á konur. Erró skapar ekki konur.

Hann velur þær úr myndheimi listasögunnar og teiknimyndaseríunnar, úr ljósmyndaalbúminu, rífur/frelsar þær út úr sínu upprunalegu umhverfi, græðir þær inn í nýtt samhengi, gefur þeim nýja merkingu - oftast margræða - í myndheimi sem virðist á sífelldri hreyfingu/tilfærslu, umsköpun, þar sem hlutir og fólk, ýmist útfært með línuteikningu teiknimyndasögunnar eða mótað af ljósmyndalegu raunsæi, renna stöðugt á milli myndheima og merkingarsvæða..