Erró - Grafíkverk 1949-2009

Á sýningunni er að finna heildstætt yfirlit yfir grafíkverk Errós, allt frá námsárunum í Reykjavík og Osló fram til vorra daga. Verkunum er raðað upp eftir því hvaða graf´ktækni er beitt við gerð þeirra. Má þar nefna stimpilþrykk, dúkristur, tréristur, ætingar, litógrafíu og silkiþrykk, en á síðustu árum hefur Erró  enn fremur snúið sér að stafrænni prentun.

Grafíkverk Errós hafa þróast samhliða málverkum hans. Á árunum 1963-1964 urðu mikilvæg þáttaskil í list hans þegar hann hætti að teikna myndir af kynjaverum og kaus þess í stað að nýta sér fjöldaframleiddar myndir úr neyslusamfélagsins við gerð klippimynda, sem urðu síðan fyrirmyndir að málverkum og/eða grafíkverkum.

Grafíkverk Errós eru óaðskiljanlegur hluti af höfundarverki hans. Í huga listamannsins er grafíklistin einstök aðferð til þess að auðvelda aðgang fólks að myndverkum sínum.