Erró: Fríhendis

Erró: Fríhendis

Erró: Fríhendis

Hafnarhús

-

Á þessari sýningu á 3. hæð er stefnt saman nokkrum af fyrstu verkum Errós, þar sem fríhendis lína og form eru í forgrunni, og síðari tíma samklippsverkum þar sem hann nýtir sér, blandar frjálslega saman og vitnar í fundið myndefni. Í þeim má greina forvitni Errós og ferðalag hans við þróun klippimyndaaðferðarinnar, eða sjónrænnar tilvísunar; aðferðar sem hann hefur beitt til þessa dags.

Í mennskum eða mann-legum formum sem svífa yfir tvívítt yfirborð verkanna má skynja óþreytandi, drífandi löngun til að flækja og breyta hlutum. Í þessum verkum þróast formin með tímanum – fyrst eru þau kraftmiklar skissur sem spretta úr ímyndunarafli Errós og verða síðan lagskiptar klippimyndir sem vísa beint í, og reiða sig á, mismunandi uppruna og staði.

Erró (f. 1932, Ólafsvík) býr og starfar í París, þangað sem hann flutti árið 1956 með viðkomu í Noregi, Þýskalandi og Ítalíu. Erró var meðal helstu fulltrúa evrópsku framúrstefnunnar á sjöunda áratugnum og tengist ekki einungis endurnýjun fíguratífs myndmáls, vegna uppgötvana hans á sviði málverka sem byggjast á frásögn og samklippi, heldur einnig hreyfingum sem kenndar eru við uppákomur og tilraunakvikmyndir. Þrátt fyrir að verk hans séu oft sett í samhengi listastefna eins og súrrealisma, fígúratífrar frásagnar og popplistar, væri ógerningur að fella þau undir eina þeirra..

Ítarefni

Sýningarstjóri/-ar

Becky Forsythe