Veldu ár

2021 (9)
2020 (22)
2019 (27)
2018 (19)
2017 (21)
2016 (18)
2015 (20)
2014 (19)
2013 (17)
2012 (17)
2011 (22)
2010 (26)
2009 (25)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
18.02.2021
16.05.2021

Dýrslegur kraftur

Dýrslegur kraftur er samsýning Errós og fimmtán annarra listamanna. Á sýningunni eru verk Errós frá ýmsum tímum sett í samhengi íslenskrar samtímalistar.  Verkin á sýningunni eru fjölbreytt og vísa til og/eða endurspegla á einn eða annan hátt þá fjölmörgu miðla sem Erró er þekktur fyrir og þann frjóa og kraftmikla hugmyndaheim sem birtist okkur í verkum hans.

Við undirbúning sýningarinnar varð ljóst að frásögnin, höfundareinkenni Errós sjálfs, yrði ráðandi þáttur í þeim verkum sem valin yrðu. Þar úir og grúir af táknum og tilvísunum, bæði í listasöguna og sjónmenningu daglegs lífs. Samfélagslegar tengingar eru listamönnunum jafnframt hugleiknar, enda eitt hlutverk myndlistarinnar að kallast á við samtíma sinn og varpa ljósi á hann. Undiralda sýningarinnar er ótaminn sköpunarkraftur þar sem fundið myndmál og frásögn blandast frumsköpun og tjáningu.

Fróðlegt er að rýna í samhengi verka Errós og annarra listamanna á sýningunni. Hann hefur starfað allan sinn feril erlendis og hér má velta fyrir sér áhrifum hans á íslenska myndlist og eins hvort og hvaða áhrif íslensk myndlist og sannur áhugi hans á henni hefur haft á hann. Þrátt fyrir að verk Errós séu okkur aðgengileg hefur hann um langt skeið birst okkur sem einskonar eyland. Verk hans hafa sjaldnast verið skoðuð í samhengi við íslenska samtímamyndlist sem telst því löngu tímabært.

Íslensk samtímamyndlist er alþjóðleg, rétt eins og myndlist Errós, og myndlistarmennirnir virkir í starfi hér heima sem og erlendis.

Raw Power er heiti á einu verki Errós sem prýðir sýninguna. Heitið vísar til hljómplötu bandarísku hljómsveitarinnar The Stooges sem skartaði söngvaranum Iggy Pop. Umrædd plata kom út árið 1973 og varð fljótlega tákn og fyrirmynd pönkrokksenu tónlistarsögunnar.
 
Eftirtaldir listamenn, auk Errós, eiga verk á sýningunni.

Arngrímur Sigurðsson
Baldur Helgason
Einar Lúðvík Ólafsson
Gabríela Friðriksdóttir
Helgi Þorgils Friðjónsson
Jóhann Ludwig Torfason
Katrín Inga Jónsdóttir Hjördísardóttir
Kristinn Már Pálmason
Lukas Bury
Sara Riel
Sigurður Ámundason
Valgerður Guðlaugsdóttir
Ýmir Grönvold
Ýr Jóhannsdóttir
Þórdís Aðalsteinsdóttir 

Smelltu á myndirnar til að skoða fleiri myndir á Instagram og póstaðu þínum eigin með því að merkja þær með #myllumerki sýningarinnar.
Mundu að fylgja Listasafni Reykjavíkur á @reykjavikartmuseum.

Viðburðir tengdir sýningu

Leiðsögn listamanna: Baldur Helgason og Ýr Jóhannsdóttir
Hafnarhús
13. mars 2021 - 14:00
Fimmtudagurinn langi
Hafnarhús, Kjarvalsstaðir
25. mars 2021 - 17:00 til 22:00
Erró, Appollo Crew, 2009.
Hafnarhús, Kjarvalsstaðir
4. apríl 2021 - 10:00 til 17:00
Fimmtudagurinn langi
Hafnarhús, Kjarvalsstaðir
29. apríl 2021 - 17:00 til 22:00
Leiðsögn sýningarstjóra: Dýrslegur kraftur. Ljósmynd: Eyþór Árnason.
Hafnarhús
1. maí 2021 - 14:00