Veldu ár

2021 (8)
2020 (22)
2019 (27)
2018 (19)
2017 (21)
2016 (18)
2015 (20)
2014 (19)
2013 (17)
2012 (17)
2011 (22)
2010 (26)
2009 (25)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
18.03.2021
09.05.2021

D43 Auður Lóa Guðnadóttir: Já/Nei

Auður Lóa Guðnadóttir er 43. listamaðurinn til að sýna í sýningarröð Listasafns Reykjavíkur í D-sal.

Auður Lóa er fædd árið 1993 í Reykjavík. Hún nam myndlist við Listaháskóla Íslands og lauk BA gráðu árið 2015. Síðan hefur hún starfað sjálfstætt og í samstarfi við aðra listamenn. Hún hlaut hvatningarverðlaun Íslensku myndlistarverðlaunanna árið 2018.

Auður Lóa fæst mest við skúlptúr og vinnur gjarnan með hversdagslegt myndefni og sterkt myndmál. Í verkum sínum leitast hún við að túlka hið óvænta, en almenna. Verkin, í samhengi við hvert annað, við umhverfi sitt, í samtali við miðil og efni, segja sögu, reyna að grafa holu í eitthvað óáþreifanlegt. Á sýningunni Já/Nei er engu líkara en að gengið sé inn í leitarsögu listamannsins á internetinu. Í salnum ægir saman tugum skúlptúra sem vísa í sögu, samtíma, listasögu, dægurmenningu, pólitík og hið fyndna og undarlega. Listamaðurinn hefur fundið innblástur á ferðalögum sínum niður hinar ýmsu kanínuholur veraldarvefsins, vistað stafrænar myndir sem vekja hjá henni áhuga og undrun og endurskapað í þrívíðu minnisvörðum úr pappamassa. 

Auður Lóa sækir innblástur í svokallaðar Staffordshire-styttur sem urðu vinsælar á Viktoríutímabilinu í Bretlandi. Í kjölfar iðnbyltingarinnar hófst fjöldaframleiðsla á styttum af fólki og atburðum sem voru í deiglunni á þeim tíma. Misvandaðar stytturnar voru fáanlegar á verði sem miðstéttar- og verkafólk hafði efni á. Konungsfjölskyldan, stjórnmál og listir þóttu vinsæl viðfangsefni en ekki síður styttur sem fjölluðu um glæpi, misheppnuð sirkusatriði og annað sem naut alþýðuhylli en var alla jafna ekki hátt skrifað. Nálgun Auðar Lóu er áþekk; ásamt því að fjalla um þekkt minni varpar hún ljósi á persónur og atburði á jaðri athyglissviðs okkar. Á sínum tíma minntu Staffordshire-stytturnar eigendur sína á opinberar frásagnir og viðburði samtíðarinnar líkt og skúlptúrar Auðar Lóu vísa í alltumlykjandi viðfangsefni okkar tíma. Verk hennar eru úr máluðum og lökkuðum pappamassa. Efnið lætur illa að stjórn og tekur stundum völdin úr höndum listamannsins. Útkoman verður ófullkomin eftirlíking af fyrirmyndum úr fundnu myndefni. 

Sýningaröðin í D-sal hóf göngu sína árið 2007. Hér er listamönnum sem hafa mótandi áhrif á íslenska myndlistarsenu boðið að halda sína fyrstu einkasýningu í opinberu safni.

Listamaður/-menn: 
Sýningarstjóri/-ar: 
Aldís Snorradóttir
Boðskort: 
Boðskort
Umfjöllun fjölmiðla pdf: 
Myndir frá opnun: 
Myndbönd

Smelltu á myndirnar til að skoða fleiri myndir á Instagram og póstaðu þínum eigin með því að merkja þær með #myllumerki sýningarinnar.
Mundu að fylgja Listasafni Reykjavíkur á @reykjavikartmuseum.

Viðburðir tengdir sýningu

Fimmtudagurinn langi
Hafnarhús, Kjarvalsstaðir
25. mars 2021 - 17:00 til 22:00
Erró, Appollo Crew, 2009.
Hafnarhús, Kjarvalsstaðir
4. apríl 2021 - 10:00 til 17:00
Fimmtudagurinn langi
Hafnarhús, Kjarvalsstaðir
29. apríl 2021 - 17:00 til 22:00
Auður Lóa Guðnadóttir
Hafnarhús
6. maí 2021 - 20:00