Alistair Macintyre: Veran í deginum

Náttúran geymir upphaf og endi alls lífs á jörðu. Hún fóstrar líf, nærir það og elur til fulls þroska, og allt hverfur það aftur til jarðarinnar þegar yfir lýkur. Náttúran er með sama hætti endastöð allrar mannlegrar viðleitni; mannvirki, framkvæmdir og menningarleg sköpun af öllu tagi er þegar allt kemur til alls háð náttúruöflunum, og mun um síðir þurfa að lúta kröftum þeirra - eyðast og verða afmáð, þar til aðeins óljós minningarbrot verða eftir, háð tilviljunum náttúrunnar og tímans um varðveislu eða eyðileggingu.

Þessi staðreynd lífs og dauða, endingar og eyðileggingar eru undirstaða leitar listamannsins Alistair Macintyre að þeim gildum, sem hann leggur til grundvallar í listsköpun sinni.