Áttu ekki örugglega árskort?

Magnús Pálsson

Óður til bílsins

Skýr tengsl eru hér við verkið The Anti-Society League Concert frá 1982. Magnús vinnur að því að gera hið óefnislega efnislegt með því að fá hljómsveit til að spila og á tilteknu augnabliki að fá hljómsveitarmeðlimi til að stoppa og halda kyrru fyrir. Síðan tekur hann afsteypu af öllu tóma rýminu, hinu neikvæða rými í herberginu og efnisgerir hann þannig tónlistina og andrúmsloftið í rýminu. Verkið var gert sem hluti af Listahátð Reykjavíkur árið 2013 og það var íslenska hljómsveitin MUCK sem spilaði.

Einsemd

Minning Þórarins Nefjólfssonar

Myndbandið er tekið með „green screen“ tækni þar sem listamaðurinn sést sitjandi á stól er virðist smár miðað við manninn. Hlutföllin eru á skjön, listamaðurinn situr á hlið og talar út í tómið. Textinn fjallar um fólk, atburði og samskipti en einnig um stærð hluta og umhverfis, skynjun manna á stærð í umhverfi sínu og þau viðmið sem beitt er hverju sinni. Af og til fer allt á flug; myndin hristist og jarðskjálfti skekur manninn og rýmið.

Kúplingsdiskur

Þríleikur Magnúsar, Talk Preceding Eye Talk, Eye Talk og Eye Talk II, er uppbyggður með áþekkum hætti hverju sinni, rödd listamannsins er í fyrirrúmi og hann fer sjálfur með textann í mynd. Alltaf er til staðar einhver eiginleiki sem gerir frásögnina framandlega og hún virðist úr lausu lofti gripin. Í fyrsta myndskeiði er Magnús í hlutverki manns sem tekur óhóflega í nefið með tilheyrandi truflun í frásögninni. Öðru sinni sést andlit hans ekki, eingöngu hálsinn, fyrir framan upptöku úr skólpræsakerfi. Loks stillir hann sér upp þétt við kvenmannsbrjóst og nýtur fulltingis konunnar við frásögnina. Ekkert verkanna er klippt eða samsett, þau líða hægt áfram án framvindu eða samhengis.

Magnús Pálsson

Óður til bílsins

Fleiri verk eftir Magnús Pálsson