Anna Júlía Frið­björns­dóttir

Anna Júlía hefur gert nokkur verk þar sem hún ímyndar sér að umhverfið sé að reyna að senda manninum skilaboð. Verkin eru steyptar lágmyndir sem minna á steingervinga. Titlar verkanna vísa í kallmerki í Mors-kóða þar sem tákn eru mynduð með stuttum og löngum einingum. Í þessu verki má lesa: "Ég er í hættu og þarfnast hjálpar tafarlaust.“ Anna Júlía bendir á að kannski hefur maðurinn tapað hæfileika til að lesa í og skilja náttúrulegt umhverfi sitt.