Erró

Fjármálakreppan sem hófst árið 2007 varð vegna áhættusamra lánveitinga og hruns svokallaðs undirmálslánamarkaðar. Hún olli ótta á Wall Street – miðstöð bandarískra fjármála – og afhjúpaði djúpa veikleika í fjármálakerfinu. Þetta varð upphaf að hruninu mikla árið 2008, sem hafði alþjóðleg áhrif. Erró fangar þessa óreiðu í Skelfing á Wall Street, svarthvítu samansafni angistarfullra, manngerðra teiknimyndaanda, sem minna bæði á Jóakim Aðalönd frá Disney og Howard the Duck frá Marvel. Þessi óreiðukenndi fjöldi speglar ofsafengna hegðun fjárfesta í hruninu. Einliturinn magnar upp tilfinningalega spennu og dregur úr truflandi þáttum, svo athyglin beinist alfarið að hreyfingu og vanmáttarkennd. Erró gagnrýnir kapítalisma og fjárfestingabrölt með kaldhæðni og sjónrænum krafti og afhjúpar ofgnótt, ábyrgðarleysi og fáránleika fjármálakerfisins. Með því að ýkja fjárhagslegan óstöðugleika og grægði sýnir verkið afdrifaríkar afleiðingar óhefts kapítalisma fyrir samfélagið í heild.