Erró

Kjarval

Ásmundur Sveinsson

Safneign

Þorlákur R. Haldorsen listmálari ­ Minning Fæddur 13. apríl 1929 Dáinn 4. júní 1989 Fyrir hartnær 40 árum fór að kveða sér hljóðs á listabrautinni Þorlákur Haldorsen. Hann var einnaf stofnendum Þjóðleikhússkórsinis og söng með þeim kór um árabil, jafnframt því sem hann lærði söng hjá Sigurði Birkis og Kristni Hallssyni. Samhliða söngnámi teiknaði Þorlákur í frístundum. Það fór síðar svo að málaralistin tók huga hans allan og helgaði hann þeirri list alla starfskrafta sína. Þorlákur nam hjá Eggert Guðmundssyni listmálara um nokkurt skeið en fór síðan til Noregs 33 ára gamall og stundaði nám í Statens Kunstakademi í Ósló.Þorlákur markaði sér braut í naturalistískri listmálun, urðu kyrralífsmyndir en þó einkum málverk af landslagi hans aðalsmerki. Á þeim tímum sem Þorlákur varað hefja sinn listaferil voru ýmsar stefnur uppi ´ málaralist sem ekki áttu við hann. Þorlákur hélt sínu striki sem listamaður og málaði þær myndir sem hugur hans sjálfs stefndi til.Skömmu eftir heimkomuna frá Noregi setti Þorlákur á stofn verslun í húsi frænda síns Ragnars Haldorsen að Laugavegi 21 í Reykjavík og nefndi hana Listmálarann. Þar seldi hann myndir sínar og málverk annarra listamanna. Í sama húsi var Þorlákur einnig með vinnustofu sína. Ekki held ég að hér hafi verið um rífandi verslun að ræða, þótt Þorlákur hafi haldið versluninni opinni í rösk 15 ár. Hinsvegar komu margir til að skoða þær myndir sem þarna voru sýndar og heilsa upp á listamanninn á vinnustofu hans. Um síðir fór þó svo að Þorlákur þurfti nauðbeygður að yfirgefa vinnustofu sína á Laugaveginum eftir lát frænda síns. Þau mál öll tók Þorlakur mjög nærri sér.Þorlákur R. Haldorsen var fæddur í Reykjavík 13. apríl 1929. Foreldrar hans voru hjónin Guðrún Þorláksdóttir og maður hennar, Haldor Haldorsen, sem var norskur að ætt og uppruna. Þau hjón bjuggu lengst af á Urðarstíg 3 í Reykjavíkog bjó Þorlákur þar alla sína ævi ef frá er talin dvöl hans í Noregi sem áður hefur verið nefnd. Þorlákur kvæntist 1962 Iðunni Ingibjörgu Sigurðardóttur og eignuðust þau eitt barn, Haldor Gunnar, sem nú er kennari að Varmalandi í Borgarfirði.Iðunn missti fljótlega heilsuna eftir að hún fékk svonefndan MS sjúkdóm. Hún dvaldist að mestu leyti á sjúkrastofnunum í fjöldamörg ár þar til hún lést 1. janúar síðastliðinn.Þorlákur hélt lengst af heimili með móður sinni, eftir að faðir hans lést, og voru þau mæðginin sérstaklega samrýmd.Þorlákur var orðinn 25 ára gamall þegar hann bragðaði vín í fyrstaskipti. Hann reyndist ekki eiga gott með það að fara og skerti það starfsþrek hans umtalsvert. Varð Bakkus, og kröfur hans, Þorláki erfiður félagi, sem varð honum að endingu um megn.Þorlákur umgekkst ekki marga hin síðari ár, heldur hélt sig mikiðtil heima við enda kominn með vinnustofuna á heimili sitt. Hafði hann látið byggja útbyggingu við litla húsið á Urðarstíg og notaði fyrir vinnustofu. Hann hélt fáar sýningar hin síðari ár og málaði ekki mikið. Sjálfur hafði hann þó áform uppi um að halda yfirlitssýningu á verkum sínum á því ári sem hann yrði sextugur. Skömmu fyrir sextugsafmælið sitt keypti hann efni til að mála frekar. Stuttu síðar þurfti hann að fara á sjúkrahús en ætlaði sér að koma fljótlega komaheim aftur til að ljuka undirbúningi sýningarinnar. Af því varð ekki, Þorlákur andaðist í Borgarspítalanum aðfaranótt 4. júní eftir erfið veikindi.

Safneign

Verk