Erró

Kjarval

Ásmundur Sveinsson

Skömmu eftir að Erró hafði komið sér fyrir í París málaði hann Méca-syrpuna, málverk þar sem hann bendir á margvíslegan sjúkleika hins iðnvædda og kapítalíska nútímaþjóðfélags og fordæmir hvers kyns eftirlitsstýringu og firringu mannsins. Þessi málverk liggja einhvers staðar milli súrrealisma og vísindaskáldskapar og fjalla um vélvæðingu mannkynsins og sýna dökkan og ofbeldisfullan heim. Í verkinu Burt með eftirlit úr verksmiðjunni mætir áhorfandanum fangabúðarstemning þar sem verurnar á striganum hafa orðið fyrir einhvers konar „vélmyndbreytingum“. Hávaði og læti eru hér allsráðandi. Höfuð með æpandi munnum birtast upp úr hrærigraut lífrænna og vélrænna forma. Í þessum hrærigraut er gríðarmikil dramatísk spenna, hún er síðan undirstrikuð með spíralforminu sem markar myndbygginguna og sömuleiðis því hvernig aðalsenan í málverkinu er innrömmuð.

Safneign

Guðmundur Guðmundsson, öðru nafni Erró (f. 1932), er tvímælalaust þekktasti samtímalistamaður Íslendinga. Hann hefur verið þátttakandi í framsæknu listalífi Parísarborgar allt frá árinu 1958, bæði innan súrrealistahreyfingarinnar og einnig sem einn af forvígismönnum popplistarinnar eða evrópska frásagnarmálverksins. Erró byggir verk sín á tilvísunum í myndir annarra sem hann klippir saman og flytur yfir á léreftið. Hann segir frá með myndmáli ofurraunsæis og teiknimynda og frásögn hans er ýmist einföld og kyrrstæð eða flókin og yfirgengileg. Hann klippir og sundurgreinir, límir og endurbyggir flóknar sögur þar sem viðfangsefnin eru ýmist pólitík, erótík, listasagan, ævisögur, skáldsagnapersónur, teiknimyndahetjur og vísindaskáldskapur eða eigin listaverk. 1951 Guðmundur útskrifast úr kennaradeild Myndlista- og handíðaskólans um vorið með hæstu einkunn1952 Fer til náms í Listakademíuna í Osló.1953 Mósaíksýning frá Ravenna sem haldin er í Osló vekur aðdáun Guðmundar.Hann ferðast til Spánar og ákveður að taka upp listamannsnafnið Ferró.1954 Innritast í Listakademíuna í Flórens.1955 Fær inngöngu í mósaíkskóla í Ravenna (Scuola del Mosaico). Tekur þátt í samsýningu ungra erlendra listamanna í Galleria Santa Trinita í Flórens. Í kjölfarið skipuleggur galleríið fyrstu einkasýningu Ferrós. Kynnist hinni ísraelsku Myriam Bat-Yosef. 

Safneign

Verk