Uppfærsla á vefum borgarinnar í dag milli 17.00–18.00. Búast má við truflunum.

Afsakið óþægindin

Erró

Kjarval

Ásmundur

Safneign

Sigurður Haukur er fæddur í Reykjavík árið 1921. Árið 1932 hóf hann myndlistarnám hjá Finni Jónssyni og hélt því áfram árið 1934 í myndlistarskóla þeirra Finns og Jóhanns Briem. Þar dvaldi hann við nám til ársins 1940.Sigurður hefur haldið einkasýningar hér á landi og tekið þátt í fjölda samsýninga, m.a. í Kaupmannahöfn og Nice í Frakklandi. Hann hefur unnið til verðlauna í alþjóðlegum myndlistarkeppnum sem haldnar hafa verið í Frakklandi. Árið 1991 hlaut hann La Ville de Menton, árið 1994 Nice Grand Prix International d'Art og árið 1995 hlaut hann fyrstu verðlaun, Prestige de L'Art st. Cap Ferrat, í Nice.Verk Sigurðar eru m.a. í eigu Reykjavíkurborgar, Vestmannaeyjabæjar, Sjóvá-Almennra, Íslandsbanda og Flugleiða. Hann hefur einnig selt verk sín víða um heim, m.a. til Svíþjóðar, Finnlands, Þýskalands, Sviss, Frakklands, Luxemborgar, Spánar, Hollands, Japans og Bandaríkjanna.Sigurður vinnur olíumyndir og sækir myndefni sitt í fortíðina. Fólk við saltfiskvinnslu, heyskap eða við vinnu innandyra í torfbæjum eru algeng minni hjá Sigurði og skilar hann því frá sér á einkar ljúflegan hátt.(tekið af heimasíðu Gallerí Fold 4.11.2008)