Áttu ekki örugglega árskort?

 Verkið sýnir folaldsmeri með klyfjum. Vinstra megin ber hún planka, en koffort og pinkla hægra megin. Í humátt á eftir henni töltir folald og hnusar að móður sinni. Folaldið er með í för til að árétta að listamaðurinn sé að fjalla um aðstæður fátæka bóndans sem ekki hafi efni á að hlífa folaldsmeri sinni við klyfjum. Sigurjón hafði ungur fylgst með bændum á ferð með klyfjaða hesta sína í kaupstaðaferðum á Eyrarbakka. Til er ljósmynd frá 1890 af slíkri kaupstaðarferð sem talið er að listamaðurinn hafi haft til hliðsjónar. Hann vann síðan að hugmyndinni á árunum 1959–63 og verkið var steypt í brons hjá Lauritz Rasmussen í Kaupmannahöfn 1965. Sökum kostnaðar var folaldið ekki sent til afsteypu fyrr en 1984. Klyfjahestur, verk Sigurjóns Ólafssonar myndhöggvara, er nú komið á sinn varanlega stað við glæsilegt nýtt torg við Hlemm.  Verið er að vinna að enduruppbyggingu svæðisins og var Klyfjahesturinn færður inn á mitt torgið þar sem hann mun gleðja gangandi vegfarendur. Þessi mynd var tekin í gær af vöskum flokki sem sá um að setja verkið á stall. 

Leit

Klyfjahestur á Hlemmtorgi

Síða