Fjöl­skyldur

Boðið er upp á smiðjur, námskeið og aðra viðburði fyrir yngri gestina sem eru auglýstir sérstaklega með yfirskriftinni Leikum að list.

Í öllum safnhúsum er aðstaða fyrir börn og fjölskyldur þar sem þau geta leyft sköpunarkraftinum að njóta sín.

Hafnarhús

Á efri hæð Hafnarhúss er að finna svæði fyrir börn og fjölskyldur sem geymir spennandi efnivið til að vinna hugmyndir og skapa eigin listaverk.

Kjarvalsstaðir

Á Kjarvalsstöðum er svæði fyrir börn og fjölskyldur til að virkja sköpunarkraftinn með skemmtilegu efni sem tengist sýningum hverju sinni.

Ásmundarsafn

Í Ásmundarsafni er skemmtileg leyniskúffa fyrir fjölskyldur. Í leyniskúffunni er að finna alls konar liti, bækur, leir og skapandi efni sem hægt er að vinna í með frjálsri aðferð. Í Ásmundasafni er líka alltaf heitt á könnunni fyrir fullorðna fólkið. 

Með fjölskyldudagskrá safnsins eru börn sérstaklega boðin velkomin á safnið ásamt fjölskyldum sínum til þess að skoða og upplifa myndlist í gegnum leiki, sköpun og skemmtilegar umræður.

Fjölskylduleiðsagnir eru sniðnar að yngri gestum safnsins og listasmiðjur gefa börnum og fjölskyldum tækifæri til að skapa sín eigin listaverk saman eftir heimsókn í sýningarsalina.

Á hverju sumri bjóðum við upp á fjölbreytt námskeið í safnhúsunum þremur þar sem blandast saman , leikur, sköpun og útivist

Listasafn Reykjavíkur gaf út appið Útilistaverk í Reykjavík (Reykjavík Art Walk) með upplýsingum um öll útilistaverk í Reykjavík sem eru um tvö hundruð talsins.  

Í appinu eru einnig hljóðleiðsagnir fyrir göngu- og hjólatúra, skemmtilegur leikur í þremur þyngdarstigum og ratleikur um Hallsteinsgarð í Grafarvogi. Það er því tilvalið til skemmtunar og fróðleiks bæði inni og úti fyrir alla fjölskylduna.   Appið er bæði fyrir iphone- og Android-stýrikerfi og er bæði hægt að hlaða niður á íslensku og ensku. 

Hægt er að nálgast appið hér fyrir iPhone og hér fyrir Android.