Reykjavík Art Walk App

Það er líkt og ákveðinn hvítþvottur hafi átt sér stað. Myndin sýnist yfirlýst og það lítur út fyrir að daufur liturinn sé að leysast upp af striganum. Litameðferðin getur gefið í skyn að myndefnið sé minning en einnig getur hún vísað í sótthreinsað umhverfi hjúkrunarfræðinga, sem leiðir til hugmyndarinnar um hreinleika. Listamaðurinn lýsir því að í kjölfar ummæla breskrar þingkonu um of marga ljóshærða hjúkrunarfræðinga á breskum sjúkrahúsum hafi áhugi hans vaknað á staðalímyndum um ljósa lokka og norrænt útlit, kynþáttafordómum og hugmyndum um hreinleika.  

Hreinn leikur sér að spurningunni um hvað sé málverk með því að nota fundna hluti úr málningarvöruverslun. Hann safnar saman tréprikum sem notuð hafa verið í búðinni til þess að hræra upp í litadollum. Stundum hefur sama spýtan verið notað oftar en einu sinni og þá safnast nokkur lög af lit á hana. Listamaðurinn tekur síðan þessa hversdagslegu nytjahluti og setur í samhengi myndlistar. Þeim er raðað reglulega í mynstur á vegg og gefið heitið „málverk“.

Collection