Reykjavík Art Walk App

Málverkið byggist á náttúrulegri hegðun efnis sem leiðir til ófyrirséðrar útkomu innan vissra marka. Striginn er strekktur á blindramma og til skiptis er borið á hann lím og litaduft. Eftir því sem fram líður strekkist og slaknar á striganum á víxl og hið sprungna yfirborð tekur að myndast. 

Verkið er staðsett á horni Túngötu og Garðastrætis.Stuðningur er verk eftir lettneska myndhöggvarann Paul Jaunzens. Verkið var gjöf Letta til Íslendinga í þakkarskyni fyrir stuðning Íslendinga við sjálfstæðisbaráttu Lettlands í því mikla umróti sem varð eftir fall Sovétríkjanna á síðasta áratug 20. aldarinnar. Íslendingar voru fyrstir þjóða til þess að viðurkenna sjálfstæði Eystrasaltsríkjanna: Eistlands, Lettlands og Litháens frá Sovétríkjunum. Listaverkið er úr graníti og er táknmynd stuðnings íslensku þjóðarinnar við þá lettnesku á erfiðum tímum. Neðri steinninn táknar Ísland en sá efri Lettland. Davíð Oddsson, þáverandi forsætisráðherra Íslands, veitti verkinu viðtöku fyrir hönd íslensku þjóðarinnar en forsætisráðherra Lettlands, Andris Skele, afhenti verkið.

Verkið er afrakstur tilrauna með að hella fljótandi málmi ofan í jarðvegsmót. Sama efnið of samskonar umgjörð verður þó aldrei eins þar sem ófyrirséð samspil ýmissa þátta í ferlinu leiðir til ólíkrar niðurstöðu.

Í þessu verki kemur Ragnar fram sem forsprakki djass-stórsveitar í sviðsettum gamaldags danssal. Listamaðurinn syngur ítrekað „Sorgin sigrar hamingjuna“, einu orð verksins, hundruð sinnum, aftur og aftur. Án þess að víkja frá einfaldleika frasans sem sunginn er, lagar hann sig að hinni hægu uppbyggingu tilbrigða sem hljómsveitin fer í gegnum í bakgrunni, sem og tímanum í síendurtekinni möntrunni. Með leikrænum og dramatískum hætti virðist verkið bjóða tilfinningalega lausn undan trúarlegri þröng og veita nokkurs konar huggun í angurværð hversdagsins.

Anna Jóelsdóttir (f. 1947) býr og starfar í Reykjavík og Chicago. Hún hefur sýnt verk sín á fjölmörgum einka- og samsýningum og unnið til ófárra verðlauna.

Verkið er staðsett við Sundahöfn.Höggmyndin skiptist í tvo hluta. Efri hlutinn, þar sem formað er stefni, er úr steyptu bronsi, og neðri hlutinn er eins konar sökkull. Form höggmyndarinnar fann Pétur í ljósmynd úr bókinni Eimskipafélagi Íslands þegar hann var tuttugu og fimm ára. Á þeirri ljósmynd er horft beint framan á stefni Es. Gullfoss þar sem verið er að hleypa skipinu af stokkunum þann 23. janúar 1915. Pétur vildi með lögun og efnisvali á sökkli höggmyndarinnar skírskota táknrænt til steinbryggjunnar.

Verkið er staðsett í höggmyndagarði við Ásmundarsafn.Allnokkrar myndir Ásmundar sýna tengsl móður og barns og er hlutverk móðurinnar áberandi. Konan var Ásmundi mikill innblástur og ólíkar hliðar hennar birtast í mörgum verkum hans. Eins og í verkinu Dýrkun birtist konan iðulega í líki hinnar göfugu móður/madonnu sem umvefur barn sitt kærleika og vernd.

Collection