Ásmundur Sveinsson

Erró

Arnar er fæddur á Siglufirði 1993. Hann stundaði nám við Myndlistaskólann í Reykjavík 1959-1967. Hann var virkur í SÚM og árið 2017 gaf útgáfan Dimma út bók um hann eftir Ásdísi Ólafsdóttur, Æsu Sigurjónsdóttur og Ólaf Gíslason.

Bragi Ásgeirsson var fjölhæfur myndlistarmaður sem afkastaði miklu á ferli sínum. Hann aflaði sér yfirgripsmikillar menntunar í myndlistinni og nam í mörgum löndum. Myndlist hans er víðfeðm en þar má nefna teikningar, fígúratíf grafík, upphleypt popplistaverk og abstrakt málverk. Enginn einn listamaður fremur en annar hafði afgerandi áhrif á myndlist Braga en þó eru ákveðnir málarar sem Bragi hafði meiri mætur á en öðrum. Þar má nefna listamenn eins og Picasso, Munch, Jón Stefánsson, Modigliani, Matisse og Hammershøi.

Elín Hansdóttir er fædd árið 1980. Hún lærði við Listaháskóla Íslands og lauk MA námi frá Weißensee listaháskólanum í Berlín árið 2006. Skynjun mannsins og upplifun á umhverfinu er viðfangsefni hennar og segja má að hún heilli áhorfandann og rugli með blekkingum og sjónhverfingum. Verk hennar hafa verið sýnd á samsýningum og einkasýningum bæði í Evrópu og Afríku.

Verk Bjarna, einkum teikningar og ljósmyndaverk, byggjast á ólíkum kerfum. Í myndaröðinni Skákbendur beinir listamaðurinn sjónum að skáklistinni og því kerfi sem þar um ræðir. Serían samanstendur í heild sinni af ólíkum teikningum sem hver lýsir einni skák. Hver teikning sýnir reiti skákborðsins og er hreyfingu skákmanna lýst með teikningu og texta sem flæða um yfirborðið. Skákirnar í verkum Bjarna eru þekktar úr sögu íþróttarinnar. Þar koma við sögu þekktir skákmenn eins og Bobby Fischer, Alexander Alekhine og José Raúl Capablanca. 

Collection