Hafnarhús
til
Thea Snæfríður Kristjánsdóttir vinnur í sumar að leikriti sínu ÞÆR og mun bjóða fólki að hlýða á leiklestra á brotum úr leikhandriti í mótun. Verkið fjallar um eftirmál ástarsambands tveggja ungra kvenna og samskipti þeirra. Tekist er á við spurningar um þörf manneskjunnar fyrir uppgjör og sjálfseyðingarhvötina sem getur falist í endurtekningu sársaukafullra samskipta.
Thea Snæfríður stundar nám í bókmenntafræði við HÍ og hefur leikið í sjónvarpsþáttum og leiksýningum í áhuga- og atvinnuleikhúsi.
Leiklesarar: Guðrún Ágústa Gunnarsdóttir og Helena Guðrún Þórsdóttir.
Aðgangur er ókeypis.