Reykjavík Art Walk App

Þetta verk er skylt öðru verki eftir Hlyn, verkinu Ríkisstjórnir í mörgum löndum... Tvíþætt verkið Hlyns spratt upp úr eftirköstum efnahagskreppunnar árið 2008. Í spreyjuðum veggtexta og plakati er vitnað beint í frægt sjónvarpsávarp þáverandi forsetisráðherra þegar komið var að ögurstundu í rekstri bankakerfisins á Íslandi. Tungumál og samskipti eru lykilatriði í listsköpun Hlyns og undirstaða að þeirri hugmyndalegu og markvissu nálgun sem listamaðurinn notar til að fjalla um samfélagsmál og stjórnmál í víðara samhengi. Að auki eru algeng viðfangsefni í verkum hans tengsl, pólitík og persónulegt líf listamannsins.

Þetta verk er skylt öðru verki eftir Hlyn, verkinu Sjónvarpsávarp forsætisráðherra, Geirs H. Haarde, 6.10.2008. Tvíþætt verkið spratt upp úr eftirköstum efnahagskreppunnar árið 2008. Í spreyjuðum veggtexta og plakati er vitnað beint í frægt sjónvarpsávarp þáverandi forsetisráðherra þegar komið var að ögurstundu í rekstri bankakerfisins á Íslandi. Tungumál og samskipti eru lykilatriði í listsköpun Hlyns og undirstaða að þeirri hugmyndalegu og markvissu nálgun sem listamaðurinn notar til að fjalla um samfélagsmál og stjórnmál í víðara samhengi. Að auki eru algeng viðfangsefni í verkum hans tengsl, pólitík og persónulegt líf listamannsins.

Áhugi Eggerts á grasafræði hefur frá upphafi verið leiðarstef í verkum hans, en hann vann bókverk með pressuðum blómum og sýndi ljósmyndir af jurtum áður en hann sneri sér að málverkunum. Mikilsverður áfangi á listrænum ferli hans voru teikningar sem hann vann fyrir bókina Íslensk flóra með litmyndum eftir Ágúst H. Bjarnason sem út kom árið 1983.Þessi bók sýnir flóruteikningar Eggerts í heild sinni og var gefin út í 500 tölusettum og árituðum eintökum árið 2008 af Crymogeu. Teikningunum er raðað í grasafræðilegri röð og hverri teikningu fylgir texti Ágústs H. Bjarnasonar um viðkomandi háplöntu.

„Serían Meca-Make-Up var sú fyrsta sem máluð var upp úr klippimyndum af undirbúningsstigi. Þessar myndir skutu föstum skotum. Það var mikið ofbeldi í öllu á þessum tíma. Á þessum árum geisuðu stríð í Alsír og Víetnam. Meira að segja rokktónlistin var ofbeldisfull. Og gjörningar sem við gerðum í París – í American Center og Boulogne kvikmyndaverinu, svo og í London í Denisson Hall, voru obeldisfullir. Viðbrögð okkar við ofbeldinu í samfélaginu voru ofbeldisfull, jafnvel grimm.“ – Erró.Í Raymond Cordier Gallery í París tók Erró þátt í gjörningi Jean-Jacques Lebels Pour conjurer l’espirit de catastrophe (Til þess að særa burt anda stórslysanna) ásamt Daniel Pommereulle, François Dufrêne, Johanna Lawrenson, Philippe Hiquily, Tetsumi og Hiroko Kudo, David Allen, Jacques Gabriel, Walter McLean og Désirée Schrönhoven. Gjörningurinn átti sér stað þegar Kúbudeilan stóð sem hæst, blikur voru á lofti í kalda stríðinu og almenningur hræddur við að út brytist kjarnorkustyrjöld. Uppákoman var mótmæli sem uppreisnargjarnir og órólegir ungir listamenn stóðu fyrir. Gjörningurinn var endurtekinn og kvikmyndaður 1963 í Boulogne kvikmyndaverinu að beiðni ítalska kvikmyndagerðarmannsins Gualterio Jacopetti. Gjörningurinn kom síðan fram í styttri og villandi útgáfu í kvikmynd eftir Jacopetti og Paolo Cavara, Malamondo (1964), sem fjallaði um undarlega hegðun og hefðir Evrópubúa.

Collection