Ásmundur Sveinsson

Erró

Í málverkinu mætast tveir litir frá sitt hvorri hlið og blandast fyrir miðju. Heiti þess upplýsir hvaða efnum er verið að líkja eftir, hunangi og sýrópi. Ekki er gerð tilraun til að lýsa áferð heldur einungis lit sem mætist í jöfnu litaflæði. 

Einar lærði myndlist í Myndlista- og handíðaskóla Íslands á árunum 1942-1945 og í Kunstakademiet í Kaupmannahöfn 1946-1950. Hann starfaði sem listmálari í Reykjavík og kenndi einnig teikningu í skólum. Einar fór í námsferðir til Frakklands, Ítalíu, Hollands, Belgíu, Noregs, Grikklands og Svíþjóðar. Hann hélt fjölda málverkasýninga og tók einnig þátt í samsýningum Félags íslenskra myndlistarmanna. Hann hélt sína fyrstu einkasýningu í Bogasal Þjóðminjasafnsins árið 1958. Einar hlaut starfslaun listamanna árið 1983.

Egill er íslenskur myndlistarmaður og leikstjóri, fæddur á Akureyri árið 1947. Hann nam myndlist í Bandaríkjunum og síðar í Myndlista- og handíðaskóla Íslands þaðan sem hann lauk prófi árið 1971. Hann hefur verið ötull í listsköpun sinni og hann vann lengi við dagskrárgerð hjá RÚV.

Í myndlist Önnu Líndal mætast ólíkir þræðir hugmynda og úrvinnslu sem byggja á tveimur megin viðfangsefnum: annars vegar togstreitu á milli einkalífs og utanaðkomandi væntinga, og hins vegar löngun mannsins til að skilja og greina náttúruna í gegnum mælingar. Togstreitan á milli einkalífs og samfélagslegrar stöðu er einkum sýnileg í verkum frá fyrri hluta ferilsins þegar hún afmarkaði efnisval við það sem var til staðar inni á heimilinu og gerði heimilið að kjörlendi sköpunar. Á síðari árum hefur Anna  tekist á við þrá mannsins til að skilja náttúruna með verkum sem hún byggir að miklu leyti á eigin reynslu af því að dvelja í óbyggðum og taka þátt í rannsóknarleiðöngrum vísindamanna.

Edda Jónsdóttir (f. 1942) býr og starfar í Reykjavík. Hún stundaði nám í Myndlistarskóla Reykjavíkur, Myndlistar- og handíðarskóla Íslands og Rijksakademie van Beeldende Kunsten í Amsterdam. Edda starfaði við myndlist frá árunum 1975-1995, stofnaði síðan i8 gallerí þar sem hún starfaði sem framkvæmdastjóri til 2007 og sneri sér þá aftur að eigin listsköpun.

Collection