Ásmundur Sveinsson

Erró

Daði Guðbjörnsson hefur farið ótroðnar slóðir í listsköpun sinni og tileinkað sér sérstæðan og persónulegan stíl. Hugmyndir, tákn og tilvitnanir eru honum óþrjótandi viðfangsefni.

Einar Garibaldi er fæddur á Ísarfirði árið 1964. Hann stundaði nám við Myndlista- og handíðaskóla Íslands 1980-1985 og við Brera Akademíuna í Mílanó 1986-1991.

Hafsteinn Austmann er einn merkasti núlifandi fulltrúi abstraktmyndlistar á Íslandi. Rætur hennar má rekja til abstraktmyndlistar í Frakklandi á árunum 1950–60, en þar var Hafsteinn við nám um miðjan áratuginn. Sérstakt einkenni á málaralist Hafsteins var mýkt bæði litaáferðar og myndbyggingar og gagnsæi sjálfra litanna, en hvorttveggja tengist óefað viðvarandi áhuga listamannsins á vatnslitatækni.Framan af árum stóð hugur Hafsteins til fíngerðra, ljóðrænna abstraktmynda í „frönskum“ stíl, en þegar kom fram á áttunda áratuginn hóf listamaðurinn í auknum mæli að líta til átaka- og áferðarmeiri myndlistar, franskrar jafnt sem bandarískrar. Þar kom einnig til náið samneyti við Þorvald Skúlason sem nokkrum árum áður hafði tekið málaralist sína til endurskoðunar. Í bók um myndlist Hafsteins Austmanns segir Aðalsteinn Ingólfsson: „Það var... í „hreyfimyndum“ Þorvalds af Ölfusánni sem Hafsteinn fann sér formskipan sem gerði hvorttveggja í senn að styðja við það sem gerist í litrófi myndanna og mynda sjálfstætt og síkvikt net af línum ofan á þessu litrófi. … Þrátt fyrir það birtast okkur mjög ólíkir listamenn, Þorvaldur yfirvegaður, dálítið kaldhamraður upp á franskan máta í formskipan sinni, lítið fyrir að láta skeika að sköpuðu, en Hafsteinn hvatvís, rómantískur í litavali og laginn við úrvinnslu á skyndilegum hugdettum“ (Aðalsteinn Ingólfsson: xxxxxxxxxxxxxx, bls. xx).Málverkið sem hér um ræðir einkennist bæði af mikilli hreyfingu forma og línuverks, og mjög nákvæmri útlistun formanna. Innbyggt ójafnvægi myndskipaninnar, þar sem megináherslur liggja vinstra megin á fletinum, er fremur óvenjulegt þegar Hafsteinn á í hlut. Verk Þorvalds leiða hugann að umbreytingum í náttúrunni, en það er aftur á móti eins og Hafsteinn hafi til hliðsjónar óravíddir himingeimsins, þar sem gervitungl og himintungl svífa um á sporbaugum sínum, umvafin ójarðneskri birtu.

Eggert Magnússon (1915-2010) var sjálfmenntaður listamaður og einn af þekktustu naívistum þjóðarinnar. Hann hóf að mála myndir upp úr 1960 samhliða sjómennsku en hann stundaði bæði veiðar við Græn­land og strend­ur Gamb­íu í Afr­íku. Mynd­efni sín sótti Eggert gjarn­an til þeirra fram­andi slóða sem hann hafði heim­sótt, minningarbrot eða fréttnæma viðburði.

Erla Þórarinsdóttir fæddist í Reykjavík árið 1955. Hún ólst upp í Svíþjóð og lærði í Konstfack íStokkhólmi og Rietveld Akademie í Amsterdam árin 1976-81. Um miðjan níunda áratuginn bjó hún í New York borg í Bandaríkjunum áður en hún sneri að lokum aftur heim til Íslands þar sem hún settist að. Erla vinnur með rými, tíma og efnisferla í verkum sínum þar sem minni, mannlegt samhengi og mælikvarðar renna saman. Í sumum málverkum sínum hefur hún notað blaðsilfur og ljósnæm efni sem breytast er þau komast í snertingu við ljós eða súrefni. Þar með endurspegla verkin það umhverfi sem þau hanga í. Erla hefur haldið fjölda einkasýninga og tekið þátt í samsýningum á Íslandi, í Skandinavíu, Evrópu, Bandaríkjunum, Indlandi og Kína.

Bragi Ásgeirsson var fjölhæfur myndlistarmaður sem afkastaði miklu á ferli sínum. Hann aflaði sér yfirgripsmikillar menntunar í myndlistinni og nam í mörgum löndum. Myndlist hans er víðfeðm en þar má nefna teikningar, fígúratíf grafík, upphleypt popplistaverk og abstrakt málverk. Enginn einn listamaður fremur en annar hafði afgerandi áhrif á myndlist Braga en þó eru ákveðnir málarar sem Bragi hafði meiri mætur á en öðrum. Þar má nefna listamenn eins og Picasso, Munch, Jón Stefánsson, Modigliani, Matisse og Hammershøi.

Einar Þorláksson varð kornungur áhugasamur um súrrealisma og teiknaði myndir í þeim dúr. Á öndverðum sjötta áratugnum hélt hann til náms í Hollandi, fyrstur íslenskra myndlistarmanna, og komst þar bæði í kynni við súrrealíska list og list COBRA-hópsins. Frá upphafi voru myndir Einars í sterkum og oft stríðum litum, málaðar án undirbúnings í anda sjálfsprottinnar málaralistar. Myndmál hans virtist mitt á milli hins huglæga og hlutlæga, oft með frásagnarlegu, jafnvel skoplegu/írónísku ívafi. Hugmyndir að verkunum komu víða að, ekki síst úr hugskoti listamannsins, annarri myndlist eða skáldskap.

Collection