Ásmundur Sveinsson

Erró

Fjölmörg fyrirtæki, sem sinna innflutningi, sérsmíðum, viðgerðum og hvers konar sérþjónustu annarri, þekkja vel hugtakið ósóttar pantanir. Bjartsýnir kaupendur panta hjá þeim hluti, hráefni eða sérvöru sem þeir ráða ekki við að leysa út eða hirða ekki um að sækja af öðrum ástæðum. Þegar um er að ræða vöru sem nýtist fáum, jafnvel engum öðrum en hinum týnda kaupanda, lenda umrædd verðmæti á nokkurs konar einskismannslandi milli nytsemi og tilgangsleysis. Hlutum er safnað í verkið hverju sinni sem það er sýnt samkvæmt fyrirmælum og heiti þess aðlagað því ári sem við á.

Um 1970 kom Hringur fram með verk í þeim natúralíska anda sem hann varð einkum kunnur fyrir. Hann málaði nærumhverfi sitt og hversdagsleikann undir áhrifum frá popplist, síðar aðallega tengsl manns og náttúru. 

Hvítlökkuð, opin líkkista klædd speglum að innanverðu er sterk táknmynd. Verkið minnir á sammannleg örlög, hégómleika jarðlífsins í ljósi dauðans sem bíður allra. Memento mori (mundu að þú deyrð) er sígilt minni sem hefur komið fram í listsköpun öld eftir öld. Verkið Án þín felur í sér fleiri sagnir og kallar m.a. fram hugmyndir um sjálfsskilning og mörkin á milli lífs og listar. 

Eins og heiti verkanna gefur til kynna eru þau útsaumsverk, saumuð með einlitum, dökkum þræði í ljósan bómullardúk. Verkin sýna grunnflöt íbúða og segir listamaðurinn þau „lýsa draumnum um hinn fullkomna íverustað.“ Nákvæmnin í handavinnunni dregur fram huglægni og skilar sérstakri tilfinningu á mörkum hins persónulega og almenna. Nærumhverfið er Kristni hugleikið í verkum sínum; heimilið, fjölskyldulífið og hversdagsleikinn. 

Collection