Reykjavík Art Walk App

Það er líkt og ákveðinn hvítþvottur hafi átt sér stað. Myndin sýnist yfirlýst og það lítur út fyrir að daufur liturinn sé að leysast upp af striganum. Litameðferðin getur gefið í skyn að myndefnið sé minning en einnig getur hún vísað í sótthreinsað umhverfi hjúkrunarfræðinga, sem leiðir til hugmyndarinnar um hreinleika. Listamaðurinn lýsir því að í kjölfar ummæla breskrar þingkonu um of marga ljóshærða hjúkrunarfræðinga á breskum sjúkrahúsum hafi áhugi hans vaknað á staðalímyndum um ljósa lokka og norrænt útlit, kynþáttafordómum og hugmyndum um hreinleika.  

Verkið er í 20 einingum sem mynda 10 pör.

Nokkur ljósmyndaverk eftir Einar eru unnin með hliðsjón af vatnslitamyndum, teikningum og ljósmyndum sem breski myndlistarmaðurinn og fornfræðingurinn William Gershom Collingwood málaði og tók af stöðum sem koma fyrir í Íslendingasögunum á tíu vikna ferðalagi um Ísland sumarið 1897.

Verkið er staðsett við Rauðavatn.Verkið var sett upp í tilefni af sýningunni „Landlist við Rauðavatn“ árið 2000. Þetta var samstarfsverkefni Vinnuskóla Reykjavíkur og Reykjavíkur - menningarborgar Evrópu árið 2000. Hugmyndina að verkefninu átti Guðrún Erla Geirsdóttir, formaður stjórnar Vinnuskóla Reykjavíkur. Norðurljósasætið gerði Erla með hjálp unglinga í Vinnuskólanum en verkið er hlaðinn stigi sem stendur í norður-suður segulátt, en segulkraftar jarðar hafa afgerandi áhrif á birtingu norðurljósanna. Listakonan flísalagði tröppurnar með mósaíkflísum. Hún sagði á þeim tíma sem verkið var reist: „Verkið stendur þar sem ekkert rafmagn er, þannig að norðurljósin sjást hérna. Ég vildi gera verk sem vísar til norðurljósanna, þar sem þau eru mjög sérstakt fyrirbrigði og einstakt að þau skuli sjást hér í borginni.“

Verkið er staðsett fyrir utan Vesturgötu 1.Horfur sýnir mannveru sem stendur ein með höfuðið hneigt niður. Eins og í öðrum verkum Steinunnar ræður líkamsstaða og holning þeirri tilfinningu sem vegfarendur skynja, fremur en andlitsdrættir. Verkin líkjast ekki einstökum manneskjum heldur hugmynd um mann sem gæti þá verið maður sjálfur, listamaðurinn eða mannkynið í heild. Verkið er steypt í málm og stendur í raunstærð á gangstíg. Það er eitt einkenni verka Steinunnar að þau fara inn á rými gangandi vegfarenda frekar en að vera still upp á stöpli eins og algengt er með mannamyndir og minnismerki.

Fjölmörg fyrirtæki, sem sinna innflutningi, sérsmíðum, viðgerðum og hvers konar sérþjónustu annarri, þekkja vel hugtakið ósóttar pantanir. Bjartsýnir kaupendur panta hjá þeim hluti, hráefni eða sérvöru sem þeir ráða ekki við að leysa út eða hirða ekki um að sækja af öðrum ástæðum. Þegar um er að ræða vöru sem nýtist fáum, jafnvel engum öðrum en hinum týnda kaupanda, lenda umrædd verðmæti á nokkurs konar einskismannslandi milli nytsemi og tilgangsleysis. Hlutum er safnað í verkið hverju sinni sem það er sýnt samkvæmt fyrirmælum og heiti þess aðlagað því ári sem við á.

Um 1970 kom Hringur fram með verk í þeim natúralíska anda sem hann varð einkum kunnur fyrir. Hann málaði nærumhverfi sitt og hversdagsleikann undir áhrifum frá popplist, síðar aðallega tengsl manns og náttúru. 

Hvítlökkuð, opin líkkista klædd speglum að innanverðu er sterk táknmynd. Verkið minnir á sammannleg örlög, hégómleika jarðlífsins í ljósi dauðans sem bíður allra. Memento mori (mundu að þú deyrð) er sígilt minni sem hefur komið fram í listsköpun öld eftir öld. Verkið Án þín felur í sér fleiri sagnir og kallar m.a. fram hugmyndir um sjálfsskilning og mörkin á milli lífs og listar. 

Collection