Ásmundur Sveinsson

Erró

Mannlýsingar Birgis eru sóttar orðrétt í ritaðar heimildir. Hann dró í verkum sínum fram myndræna texta þar sem löngu horfnir einstaklingar koma manni ljóslifandi fyrir sjónir. Þessi textaverk setti hann síðan upp í formi mannamynda og valdi ólíka liti fyrir texta og bakgrunn. Litina byggði Birgir á sérstöku kerfi lita sem hann kallaði „séríslenska“ og spann upp úr litrófi fornmuna sem hann skoðaði á Þjóðminjasafninu. Um leið lék hann sér þá að fáránleika þeirrar hugmyndar að kenna liti eða aðra sammannlega skynjun við þjóðerni.  

Birgir Andrésson gerði portrettmyndir af hestum fyrir áeggjan Gunnars Dungals, hestamanns og listfrömuðs, og studdist þá meðal annars við lýsingar dómnefnda á hestamannamótum. Orðin eru svo lýsandi að hér þarf ekki myndir til.

Tvær stórar teikningar sýna okkur einhvers konar frásögn. Þarna eru myndir sem tengjast sín á milli, eins og minningar eða hugsanir. Verkið heitir „Tækniteikning“ og minnir á skýringarmynd af einhvers konar búnaði eða kerfi. Það er nokkurs konar kort af hugmyndaheimi þar sem eitt leiðir sjálfkrafa af öðru. 

Collection