Erró

Ásmundur Sveinsson

Kjarval

Skissubók bls 9

Skissubók bls 8

Skissubók bls 7

Skissubók bls 6

Skissubók bls 5

Skissubók bls 4

Skissubók bls 3

Skissubók bls 2

Skissubók bls 1

Málverk Errós frá 1959 til 1962 endurspegla sterkt samband við raunveruleikann. Þótt sumir þættir séu ímyndaðir byggja margir á heimildum, tilvitnunum og nákvæmum vísunum, sem mynda ramma utan um skapandi ímyndunarafl hans. Í leit að dýpri tengingu við áþreifanlegan heim tók Erró ljósmyndir af umhverfi sínu og notaði þær sem grunn að sumum málverkum sínum. Þessi nálgun sést skýrt í hliðarandlitsmyndum hans frá 1961–63, þar sem hann fyllti útlínur höfuðsins með litlum fígúrum. Meðal þessara andlitsmynda eru menntamenn úr nánasta umhverfi hans, þar á meðal listfræðingurinn Robert Lebel og ljóðskáldið Alain Jouffroy, sem báðir tengdust súrrealismanum. Hann málaði einnig sjálfsmynd – sem var sjaldgæft þar sem hann forðaðist jafnan að beina kastljósinu að sjálfum sér eða vísa til einkalífsins. Tilgangur hans með þessum höfuð-myndum var að gera sýnilega gnótt og kraft mannshugans. Hann beitti flóknum vef af taugum, æðum og hringsnúnum fígúrum til að skapa myndbyggingu sem tjáir kraftmikla orku vitsmunalegrar og skapandi starfsemi.

Sjálfsmynd

Spring Ghost

Les Échasses / Stulturnar

Í þessu verki er vísunin í ósjálfráða taugakerfið fólgin í fjölmörgum samanfléttuðum, dansandi formum sem mynda gríðarmikið titrandi svæði og flest hafa formin mennskt svipmót. Þegar Erró vann að þessu málverki sagðist hann hafa „sankað að sér gríðarlegum fjölda læknisfræðilegra mynda, líffæraspjalda, skurðlæknarita en allt þetta fékk ég hjá þýskum vini mínum sem hafði erft þetta eftir föður sinn sem var læknir. Þarna voru falleg myndþrykk í svörtum og rauðum lit.“ Erró sótti síðan innblástur í þessar myndir þegar hann dró upp myndbygginguna en á grundvelli hennar málaði hann síðan nokkurs konar súrrealísk-expressjóníska landslagsmynd. Eftir á að hyggja á þessi mynd heima í flokki víðáttumynda („scape“-mynda) Errós en það er hugtak varð til árið 1964 og er notað yfir málverk þar sem óhemjulegur fjöldi sams konar hluta myndar nokkurs konar breiðtjaldslandslag á myndfletinum. Árið 1985 fékk þessi mynd nýtt nafn: Taugavíðátta, Nervescape.

Collection

Erró

Work