Veldu ár

2019 (6)
2018 (19)
2017 (21)
2016 (18)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
30.06.2019
06.10.2019

William Morris: Alræði fegurðar!

  • William Morris - Chrisanthemum

Sýning á verkum breska hönnuðarins William Morris. Morris (1834-1896) var listamaður, hugsuður, rithöfundur og samfélagsrýnir og hafði mikil áhrif á samtíma sinn og skildi eftir sig sjónrænan menningararf og hugmyndafræði sem hafa haft áhrif allt til okkar daga. Tengsl Morris við Ísland eru áhugavert rannsóknarefni en hann ferðaðist hingað tvisvar á starfsævi sinni, árið 1871 og árið 1873. Morris varð fyrir miklum áhrifum í Íslandsheimsóknum sínum, heillaðist bæði af menningu og náttúru. Heimildir herma að hann hafi ætíð upplifað sig sem mann norðursins og lýsti það sér í óstöðvandi áhuga hans á íslenskum bókmenntum en ekki síður í ófáguðu útliti.   

Sýningin er unnin í samstafi við William Morris Gallery í London og Millesgården í Stokkhólmi en hún verður einnig sett upp í Danmörku og Edinborg. Þetta er fyrsta sýningin sem sett er upp hérlendis og gerir skil fjölbreyttum ferli Morris. Íslandstengingunni verð gerð sérstök skil á sýningunni hér sem er viðbót við það sem sýnt verður á hinum sýningarstöðunum. Sýningunni verður fylgt úr hlaði með öflugri miðlun til almennra safngesta, skólahópa, sérfræðinga og séráhugahópa. Sýndar verða m.a. frumteikningar af munstrum Morris, veggfóður og vinnsluaðferðir, málverk, teikningar, steindir gluggar, húsgögn og veggteppi. Einnig verður sýnd frumútgáfa að þýðingum hans á Íslendingasögum. Á þeim hluta sýningarinnar sem sérstaklega verður settur upp hér á landi verða gripir sem Morris tók með sér héðan og höfðu áhrif á þann myndheim sem hann skapaði, þeirra á meðal eru útskorin horn og íslenskir búningar. 

Á sýningartímanum verður reglulega boðið upp á leiðsagnir sérfræðinga um sýninguna auk þess sem efnt verður til fjölskyldudagskrár og námskeiða fyrir ólíka aldurshópa. Tengsl þýðinga Morris á Íslendingasögum við kynni Tolkiens af íslenskum bókmenntum verða sérstaklega skoðuð í ljósi þess mikla áhuga sem samtíminn hefur á ritum Tolkiens. 

Smelltu á myndirnar til að skoða fleiri myndir á Instagram og póstaðu þínum eigin með því að merkja þær með #myllumerki sýningarinnar.
Mundu að fylgja Listasafni Reykjavíkur á @reykjavikartmuseum.

Viðburðir tengdir sýningu

William Morris: Alræði fegurðar!
Kjarvalsstaðir
30. júní 2019 - 16:00