Kjarvalsstaðir | listasafnreykjavikur.is
Kjarvalsstaðir

Kjarvalsstaðir voru teknir í notkun árið 1973 og er fyrsta byggingin hér á landi sem var sérstaklega hönnuð fyrir myndlistarsýningar. Í safninu eru reglulega sýningar á verkum Jóhannesar S. Kjarvals (1885 -1972) enda skipar hann sérstakan sess í íslenskri menningar- og listasögu sem einn ástsælasti listamaður þjóðarinnar fyrr og síðar. Þar eru jafnframt sýningar á málverkum og skúlptúrum eftir nafnkunna innlenda og erlenda meistara nútímalistar.

Gluggar hússins ná frá gólfi og upp í loft svo vel sést yfir Klambratún sem var sérstaklega hannað og skipulagt sem hluti af listrænni menningu Reykjavíkurborgar. 

Á kaffihúsinu á Kjarvalsstöðum er upplagt að njóta útsýnisins og þeirra ljúffengra veitinga sem þar er á boðstólum. Kaffihúsið er opið frá klukkan 10.00-17.00 alla daga vikunnar. Sími 411 6425. 

Sýningar á Kjarvalsstöðum

Jóhannes S. Kjarval, Skjaldbreiður (í Grafningi), 1962, olía á léreft, 204x154 cm.
22.08.2016 -01.01.2018
Anna Líndal: Leiðangur
30.09.2017 -01.01.2018

Jóhannes Sveinsson Kjarval (1885–1972) skipar sérstakan sess í íslenskri menningarsögu sem einn ástsælasti listamaður þjóðarinnar. Hann var goðsögn í lifanda lífi og í augum margra persónugervingur hins rómantíska listamannabóhems.