Stór-Ísland | listasafnreykjavikur.is

Veldu ár

2017 (14)
2016 (17)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
13.10.2017
04.02.2018

Stór-Ísland

  • Anna Hallin, Rek, 2015.

Á sýningunni Stór-Ísland eru sýnd verk sjö listamanna, það eru Anna Hallin, Claudia Hausfeld, Jeannette Castioni, Joris Rademaker, Rebecca Erin Moran, Sari Cedergren og Theresa Himmer. Listamennirnir koma frá Svíþjóð, Þýskalandi, Ítalíu, Hollandi, Bandaríkjunum, Finnlandi og Danmörku en hafa búið og starfað á Íslandi um lengri eða skemmri tíma.  

Listamennirnir fengu frjálsar hendur við að velja hvaða verk þeir vildu sýna. Áhrifin gætu orðið eitthvað í líkingu við að heyra nokkur móðurmál töluð í einu. Stór-Ísland getur verið staður þar sem listin afhjúpar ólýsanlegar tilfinningar og „túlkar“ hugtök með ímyndum sem standa stakar en ekki einar.

Í orðinu „Stór“ í heiti sýningarinnar má sjá tilvísun í fjölbreytileikann sem hefur gert sig heimakominn á listasviðinu á Íslandi í marga áratugi. Ef nefna á listamann sem gerði Ísland að heimili sínu og hafði áhrif, mun margt málsmetandi fólk í listaheiminum vilja nefna Dieter Roth (f. í Þýskalandi 1930, d. 1998 í Sviss) sem flutti til Íslands seint á sjötta áratugnum og varð íslenskur ríkisborgari. Stór-Ísland vísar þannig til þeirra möguleika sem þessu listafólki eru færir, einstakrar innsýnar þess og framlagi til listarinnar. 

Anna Hallin fæddist árið 1965 í Olofström, bæjarfélagi í suðurhluta Svíþjóðar. Hún lærði keramik og útskrifaðist með meistaragráðu frá háskólanum í Gautaborg og lauk síðar MFA-gráðu í myndlist frá Mills College í Oakland í Kaliforníu. Hún hefur búið og starfað á Íslandi síðan 2001.

Claudia Hausfeld fæddist árið 1980 í Berlín, Þýskalandi. Hún bjó í Sviss og Danmörku áður en hún flutti til Íslands árið 2010. Hún lærði ljósmyndun við Listaháskólann í Zürich og hefur lokið BA-gráðu frá Listaháskóla Íslands.
Jeannette Castioni fæddist árið 1968 í Veróna á Ítalíu. Hún lærði við myndlistarskóla í Bologna. Eftir að hún flutti til Íslands árið 2004 hélt hún áfram námi við Listaháskólann og lauk þaðan BA-prófi. Síðar hlaut hún MFA-gráðu við Goldsmith’s College í London.

Joris Rademaker fæddist árið 1958 í smábænum Eersel í Hollandi. Hann lauk listamenntun sinni í Mollerinstituut, Tilburg og við AKI lista- og hönnunarskólann í Enschede í Hollandi. Árið 1991 tók hann sig upp og flutti til Íslands, settist að á Akureyri þar sem hann hefur búið og starfað síðan.

Rebecca Erin Moran fæddist árið 1976 í Greeley í Colorado í Bandaríkjunum. Eftir að hafa lokið BFA-námi við Listaskólann í Chicago, flutti hún til Hollands og síðan til Íslands árið 2005.

Sari Maarit Cedergren fæddist árið 1965 í Kauniainen, litlum bæ á stór-Helsinkisvæðinu í Finnlandi. Hún flutti til Íslands árið 1986 og hefur búið hér og starfað síðan. Hún hefur numið myndlist við Konstfack og KTH arkítektaskólann í Stokkhólmi, við Listaháskólann í Helsinki og við Myndlista- og handíðaskóla Íslands.

Theresa Himmer fæddist í Árósum í Danmörku árið 1976. Hún lauk MFA-gráðu við myndlistarskóla og tók síðan eitt ár á sérstakri námsbraut við Whitney-listasafnið, hvort tveggja í New York. Fyrst hafði hún þó tekið meistaragráðu í arkitektúr við Arkítektaskólann í Árósum. Theresa flutti til Íslands árið 2005.

 

Boðskort: 
Boðskort
Myndir frá opnun: 

Viðburðir tengdir sýningu

Anna Hallin og Olga Bergmann, Rek, stilla, 20011.
Hafnarhús
26. nóvember 2017 - 14:00
Leiðsögn: Rebecca Erin Moran
Hafnarhús
19. október 2017 - 20:00
Yean Fee Quay
Hafnarhús
2. nóvember 2017 - 20:00