RÍKI – flóra, fána, fabúla | listasafnreykjavikur.is

Veldu ár

2017 (11)
2016 (17)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
28.05.2016
18.09.2016

RÍKI – flóra, fána, fabúla

Hvernig leitar samtímalist fanga í ríki náttúrunnar? Listasagan endurspeglar frá upphafi vega áhuga manneskjunnar á lífríki jarðar en í seinni tíð hefur orðið umbylting á viðhorfi manna þar á. Vísindalegar uppgötvanir hafa kollvarpað gamalgrónum hugmyndum með aukinni innsýn í smæstu einingar lífsins sem og yfirsýn yfir samspil flókinna vistkerfa. Hin ríkjandi hugmynd um manneskjuna sem drottnandi veru en annað líf sem óæðra og af öðrum toga hefur vikið fyrir vitneskjunni um að allt lífríki byggist á sama grunni. Samt sem áður virðist það fjarri manninum að láta af tilburðum til þess að ráðskast með lífið og temja í sína þjónustu. Aukin þekking hefur stöðugt vakið nýjar spurningar og ennfremur skilið eftir svigrúm fyrir óvissu, trú og von (eða ótta) um nýjar uppgötvanir handan við hornið.

Viðhorf samtímalistamanna til náttúrunnar vega salt milli þess að vilja skoða hana á hlutlægan hátt eða nota hana sem spegil á eigið sjálf og samfélag. Hvort tveggja býður upp á frjóar og snjallar túlkanir sem ýta undir skapandi hugsun og vekja jafnframt spurningar um stöðu mannsins gagnvart umhverfi sínu. Rétt eins og náttúrunni hefur verið skipað í flokkunarkerfi má greina flokkadrætti í mismunandi aðferðum ólíkra listamanna. Sem dæmi má nefna rannsóknarmiðaða aðferð, allegóríska, fagurfræðilega og jafnvel súrrealíska. Þverfagleg hugsun hefur opnað fyrir nýstárlega nálgun þar sem samkrull myndlistar við raunvísindi, heimspeki, vísindaskáldskap og sögu skipar veigamikinn sess.

Sýningin RÍKI - flóra, fána, fabúla veitir áhorfendum innsýn í listsköpun ólíkra listamanna með verkum frá síðustu árum og áratugum, glænýjum verkum sem og öðrum eldri úr safneign Listasafns Reykjavíkur. Boðið verður upp á viðamikla dagskrá samhliða sýningunni.


Sýningarstjórinn, Markús Þór Andrésson, hefur komið víða við á sínum ferli. Markús Þór (f. 1975) er menntaður í sýningarstjórn frá Center for Curatorial Studies, Bard College í Bandaríkjunum. Hann lærði myndlist í Listaháskóla Íslands. Markús Þór er sjálfstætt starfandi sýningarstjóri, leikstjóri og textahöfundur. Hann stýrði nemendasýningu Listaháskóla Íslands í Listasafni Reykjavíkur í Hafnarhúsi vorið 2016. Árið 2015 var hann sýningarstjóri grunnsýningar Safnahússins við Hverfisgötu. Að sýningunni stóðu höfuðsöfnin þrjú, Þjóðminjasafn Íslands, Listasafn Íslands og Náttúruminjasafn Íslands, ásamt Þjóðskjalasafni Íslands, Landsbókasafni- Háskólabókasafni og Stofnun Árna Magnússonar í íslenskum fræðum. Af öðrum sýningarverkefnum Markúsar Þórs má nefna Sequences listahátíðina, 2013; Tómið í Listasafni Árnesinga, 2012; Momentum tvíæringinn í Noregi 2011; Án áfangastaðar í Listasafni Reykjavíkur, 2011; og The End í íslenska skálanum á Feneyjatvíæringnum, 2009.

Markús Þór hefur leikstýrt kvikmyndum og sjónvarpsþáttum um myndlist og situr í stjórnum Listaháskóla Íslands og Listfræðafélags Íslands og einnig í Innkaupanefnd Listasafns Íslands.

Viðburðir tengdir sýningu

Markús Þór Andrésson
Hafnarhús
18. september 2016 - 15:00
Jóhann Jóhannsson, End of Summer, 2014.
Hafnarhús
16. júní 2016 - 20:00
RÍKI – flóra, fána, fabúla
Hafnarhús
18. september 2016 - 13:00
RÍKI – flóra, fána, fabúla at Hafnarhús
Hafnarhús
3. júní 2016 - 16:00
Hafnarhús
20. ágúst 2016 - 18:00
Markús Þór Andrésson
Hafnarhús
2. júní 2016 - 20:00
Hafnarhús
20. ágúst 2016 - 13:00
Lusus Naturae (stilla), Ólöf Nordal, 2014.
Hafnarhús
30. júní 2016 - 20:00
Finnur Arnar Arnarsson
Hafnarhús
28. maí 2016 - 16:00
Jóhann Jóhannsson, End of Summer, 2014.
Hafnarhús
14. júlí 2016 - 20:00
Hafnarhús
20. ágúst 2016 - 15:00
Lusus Naturae (stilla), Ólöf Nordal, 2014.
Hafnarhús
21. júlí 2016 - 20:00
Lusus Naturae (stilla), Ólöf Nordal, 2014.
Hafnarhús
18. ágúst 2016 - 20:00
Jóhann Jóhannsson, End of Summer, 2014.
Hafnarhús
11. ágúst 2016 - 20:00
Drottins náð, Kristján Loðmfjörð, 2015.
4. ágúst 2016 - 20:00
Jóhann Jóhannsson, End of Summer, 2014.
Hafnarhús
8. september 2016 - 20:00
Drottins náð, Kristján Loðmfjörð, 2015.
1. september 2016 - 20:00